सञ्चार तथा सूचना प्रविधिमन्त्री गोकुल बास्कोटाको राजीनामा माग गरिएको छ। सत्तारुढ दल नेपाल कम्युनिष्ट पार्टी (नेकपा)कै सांसदले सञ्चारमन्त्री बास्कोटाको राजीनमा माग गरेका हुन्।
प्रतिनिधिसभाको अन्तर्राष्ट्रिय समितिमा भएको छलफलमा नेकपा सांसद सुदन किँरातीले सञ्चारमन्त्री बास्कोटाले आपत्तिजनक अभिव्यक्ति दिएको भन्दै राजीनामा माग गरिन्।
‘सरकारका प्रवक्ताले मिलेनियम च्यालेञ्ज कर्पोरेशन (एमसिसी) जुनसुकै हालतमा पास हुन्छ। चाह्यो भने देशका नेताहरुलाई अमेरिकाले सुलेमानी बनाइदिन्छ, जुनसुकै कुनामा पनि क्षेप्यास्त्र प्रहार गर्न सक्छ भन्ने अभिव्यक्ति आपत्तिजनक छ’, उनले भने।
राष्ट्रियता स्वाधिनतामाथि आफ्नै सरकारका प्रवक्ताले ग्रहण लगाउन खोजेको उनको आरोप छ।
सांसद भीम रावलले राष्ट्रियहितमा हुनेगरी अगाडि बढ्नुपर्ने बताए। उनले समितिमा गहन अध्ययनको आवश्यकता रहेको बताए।
