सिन्धुलीमा मोटरसाइकल दुर्घटना हुँदा दुईको मृत्यु भएको छ।

मृत्यु हुनेमा मोटरसाइकल चालक छिरेश्वर नगरपालिका–६ निवासी २४ वर्षीय सुनिलकुमार राय राजपुत र मोटरसाइकल पछाडि सवार सोही ठाउँका २३ वर्षीय कृष्णकुमार गुप्ता रहेका छन्।

शनिबार बिहान कमलामाई नगरपालिका–७ मा सिन्धुलीबाट भिमानतर्फ जाँदै गरेको ०२–००१ प २५१० नम्बरको मोटरसाइकल आफैँ अनियन्त्रित भई सडकबाट १५ फिट तल खसेर सो दुर्घटना भएको जिल्ला प्रहरी कार्यालय सिन्धुलीका प्रहरी उपरीक्षक रञ्जु सिग्देलले जानकारी दिए।

दुवै जनाको घटनास्थलमै मृत्यु भएको र शव सिन्धुली अस्पतालमा रहेको प्रहरीले जनाएको छ।