यी दुई दलबीच चुनाव केन्द्रीत गठबन्धन सम्पन्न भएसँगै राजपा नेकपा नेतृत्वको सरकारमा जाने विश्लेषण समेत भइरहेको बेला दुबै पार्टीमा आगामी गठबन्धनको आवश्यकता र औचित्यबारे बहस हुन थालेको छ ।
नेकपा प्रदेश २ का अध्यक्ष प्रभु साहले राष्ट्रिय सभा चुनावमा गठबन्धनले ल्याएको मतका आधार मान्ने हो भने गठबन्धनलाई निरन्तरता दिनुपर्ने बताएका छन् । उनले भने, ‘राजपा–नेकपा गठबन्धन मधेशी जनताबाट अनुमोदन भइसकेको छ ।’
