पूर्व–पश्चिम राजमार्गगको हेटौंडा–११, नवलपुरमा मोटरसाइकल दुर्घटना हुँदा एक जनाको मृत्यु भएकोे छ। सोही मोटरसाइकलमा सवार अर्का एक जना भने गम्भीर घाइते भएका छन्।

दुर्घटनामा मोटरसाइकल चालक हेटौंडा–१९का २१ वर्षीय सुनील स्याङ्ताङको मुत्यु भएको जिल्ला प्रहरी कार्यालय, मकवानपुरले जनाएको छ। दुर्घटनामा गम्भीर घाइते उनको अस्पताल ल्याउँदै गर्दा बाटोमै मृत्यु भएको हो। दुर्घटनामा गम्भीर घाइते मनहरी–९ का साजन भोलनको हेटौंडा स्थित चुरेहिल अस्पतालमा उपचार भइरहेको प्रहरीले जनाएको छ।

हेटौंडाबाट मनहरीतर्फ जाँदै गरेको ना ४३ प ३९१४ नम्बरको मोटरसाइकल मनहरीबाट हेटौडातर्फ आउँदै गरेको ना ५ च १७७७ नम्बरको तरकारी बोकेको डिआई गाडीसँग ठक्कर खाएर दुर्घटना भएको हो। ठक्कर दिने गाडी तथा चालक प्रहरी नियन्त्रणमा रहेका छन्।