नेपाल कम्युनिस्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ले उपसभामुखकाे पद प्रमुख प्रतिपक्षी दल नेपाली कांग्रेसलाई दिने संकेत गरेका छन्। सभामुखमा नेकपाका नेता अग्निप्रसाद सापकोटाको मात्रै उम्मेदवारी परेपछि उनले उक्त संकेत गरेका हुन्।
प्रचण्ड निवास खुमलटारमा मंगलबार कांग्रेसका बरिष्ठ नेता रामचन्द्र पौडेलले उपसभामुख कांग्रेसलाई प्रस्ताव गर्न आग्रह गरेका थिए। ‘सहकार्य गरेर जाउँ, सभामुखमा नेकपाको उम्मेद्वारी परेकाले अब उपसभामुख कांग्रेसलाई प्रस्ताव गर्दा राम्रो हुन्छ’ पौडेलले प्रचण्डसँग कुराकानीका क्रममा भनेका थिए।
पौडेलको प्रस्तावमा प्रचण्डले पार्टीमा छलफल गरेर अघि बढ्न आफु तयार रहेको जवाफ दिएका थिए।
उपसभामुख पदमा राजपाले पनि दावी गर्ने बताउँदै आएको छ।
.jpg)
