नकारात्मक चेतनाले विकास र समृद्धि आउन नसक्ने
उद्योग, वाणिज्य तथा आपूर्तिमन्त्री लेखराज भट्टले नकारात्मक चेतनाले विकास र समृद्धि आउन नसक्ने बताएका छन्।
शनिबार राजधानीमा ब्रह्माकुमारी राजयोग सेवा केन्द्रले आयोजना गरेको एक कार्यक्रममा बोल्दै उनले मुलुकमा गलत प्रवृत्ति र भ्रष्टाचार समाप्त पार्नुपर्ने चुनौती यथावत् रहेको बताए।
भ्रष्टाचार नियन्त्रण गरी मुलुकलाई समृद्ध राष्ट्र निर्माण गर्ने लक्ष्यका साथ सरकार अघि बढेको बताउदैं उनले भने, 'प्रत्येक मानिसमा सकारात्मक सोचको विकास हुन् जरुरी छ।'
राजनीति स्वार्थपूर्तिका लागि हुदै गएको पूर्वमन्त्री भीमसेनदास प्रधानको भनाई छ। 'स्वार्थपूर्ति गर्ने व्यवसायका रुपमा राजनीति विकसित हुँदै गएको छ' उनले भने।