के तपाईंले पाटन दरबार क्षेत्रमा बिहानदेखि बेलुकीसम्मको गतिविधि नियाल्नुभएको छ?
मैले पनि दिनैभरि बसेर त हेरेको छैन, तर छुट्टाछुट्टै प्रहरमा त्यहाँ पुगेको छु। तपाईंहरू पनि पुग्नुभएकै होला!
प्रत्येक प्रहरमा मलाई बेग्लै अनुभूति हुन्छ।
बिहान कृष्ण मन्दिरका दर्शनार्थी बढी देखिन्छन्। दिउँसो पाटनका रैथाने वयोवृद्ध डबली र पेटीमा घाम तापिरहेका हुन्छन्। विदेशी पर्यटकको ताँती, नेपाली परिवारको हुल र आफ्नै तालमा टहलिरहेका प्रेमिल जोडी पनि खुब भेटिन्छन्।
