वीरगञ्जको ड्राईपोट परवानीपुर सडक खण्डमा हत्या गरिएको अवस्थामा एक युवकको शव फेला परेको छ। मृतक युवकको पहिचान भने खुल्न सकेको छैन । 

अन्दाजि २५ वर्षिय युवकको शरिरमा धारीलो हतियार प्रहार गरि हत्या भएको हुन सक्ने प्रहरीले जनाएको छ । मृतकको टाँउको र घाँटीमा निलडाम देखिएको छ। मृतकको शरिरबाट एनआइसि एसिया बैंकको एटिएम कार्ड फेला परेको र सोहि आधारमा अनुसन्धान भइरहेको प्रहरीले जनाएको छ।

आइतबार साझ स्थानियले शव देखेपछि प्रहरीलाई खबर गरेका थिए । शवलाई नारायणी अस्पतालमा राखिएको पर्साका प्रहरी उपरिक्षक सोमेन्द्र सिह राठोरले जानकारी दिए।