अमेरिकी राष्ट्रपति डोनल्ड ट्रम्प कोलोराडोमा सीमा पर्खाल लगाउने भनेर जगहसाइको पात्र बनेका छन् ।

झुट बोल्ने मामलामा कीर्तिमान बनाएका ट्रम्पले न्यु मेक्सिकोको सिमानामा पर्खाल लगाउने र कोलोराडोमा पनि पर्खाल लगाउने बताएर उनीसँग आफ्नै देशको भूगोलका ज्ञान पनि नभएको पुष्टी गरेका छन् ।

उनले भनेको अमेरिकी राज्य कोलोराडो अमेरिकाको बीचमा पर्छ जसको चारैतिर अरू अमेरिकी राज्यहरू छन्, कुनै अर्को देश नै छैन । 

ट्रम्पलाई लाग्यो यो पनि मेक्सिकोसँग सिमा जोडिएको राज्य हो, त्यसैले उनल बोल्दाबोल्दै के बोलें भन्ने पनि थाहा नपाई कोलोराडोमा पनि पर्खाल लगाउने कुरा गर्न पुगे ।

उनले पेन्सेल्भेनियाको पिट्सवर्गमा आयोजित एक कार्यक्रमलाई सम्बोधन गर्ने क्रममा यस्तो घोषणा गरे ।

उनको यो घोषणा सुनेर स्रोताहरू हाँसे पनि तर उनले आफू बेबकुफ भएको होश नै पाएनन् ।

जब पछि कसैले उनको अमेरिकाको भौगोलिक ज्ञानको ऐना देखाइ दिए, त्यसपछ उनी आफू बेबकूफ भएको थाहा पाए । तर, त्यसपछि पनि उनी सच्चिनेतिर गएनन् उल्टै ठट्टा गरेको भनेर ट्विट गर्न पुगे । 

अमेरिका यतिबेला एउटा गैरराजनीतिक व्यापारिक पृष्ठभूमि भएको व्यक्तिलाई राष्ट्रपति छान्नुको मूल्य चुकाइरहेको छ । 

राष्ट्रपति ट्रम्पले अमेरिकालाई अर्कै फ्लाइङ सुसर त बनाए नै अमेरिकी राष्ट्रपति भन्ने पदलाी पनि अन्टसन्ट बोल्ने पदका रूपमा परिभाषित गरे । 

आफू यति सफेद झुट बोलिरहदा पनि उनी आफ्नो आलोचना गर्ने मिडियालाई भने फेक मिडिया भन्ने गर्छन् ।