अमेरिकामा कर नतिर्नेको पासपोर्ट नै खारेज गरिने भएको छ । पहिल चरणमा ५२ हजार डलरभन्दा माथि कर बुझाउन बाँकी रहेकाको पासपोर्ट खारेज गरिने छ ।
अमेरिकी विदेश विभागका अनुसार अहिले यस्ता करदाताको संख्या चार लाखभन्दा माथि रहेको छ । उनीहरूको पासपोर्ट जोखिममा रहेको सूचना पठाइसकिएको जनाइएको छ ।
यसैगरी कर नतिर्नेको पासपोर्ट नवीकरण नगरिने र आवलेन दिनेको आवेदन अस्वीकार गरिने पनि बताइएको छ ।
विदेश विभागले यसका लागि आईआरएसको संयोजननमा कर नतिर्ने पासपोर्टबाहक अमेरिकी जहाँ भएपनि पासपोर्ट प्रणालीबाटै खारेज गरिने प्रक्रिया अगाडि बढाइसकिएको पनि जनाएको छ ।
अमेरिकामा आईआरएसको कर नतिरे पासपोर्ट खोस्ने र पासपोर्टका लागि दिइएको आवेदन अस्वीकार गर्ने कानूनी व्यवस्था छ ।
