भारतीय राजधानी नयाँ दिल्लीमा वायु प्रदूषणको अवस्था दयनीय बनेपछि दिल्ली सरकारले सोमबारदेखि अड–इभनको फर्मुला लागु गरेको छ। दिल्लीका मुख्यमन्त्री अरविन्द केजरीवालले १३ सेप्टेम्बरमै वायु प्रदूषणका कारण ४ देखि १५ सम्म यो फर्मुला लागु गर्ने घोषणा गरिसकेका थिए।

आइतबार दिल्लीको वायु प्रदूषणको मात्रा एक हजारमाथि नाघेको थियो। सरकारले यसलाई प्रभावकारी बनाउन नियम उल्लघंन गर्ने व्यक्तिलाई ४ हजार रुपैयाँ जरिवाना तिराउने बताएको छ।

दिल्ली सरकारले यसअघि सन् २०१६ को जनवरी र अप्रिलमा पनि अड–इभनको नियम लागु गरेको थियो।

दिल्लीमा केही दिनयता बायु प्रदूषणको मात्रा बढेपछि आइतबार ३७ वटा विमान अन्यत्र डाइभर्ट गरिएको थियो।