पाँचथरको याङवरक २ फलैँचाको नेखेवामा एक व्यक्तिको हत्या भएको छ। ग्रामिण सडक छेउमा इन्द्रबहादुर कार्कीको शव फेला परेको पाँचथरका प्रहरी नायब उपरीक्षक सिद्धराज न्यौपानेले जानकारी दिए।

मृत फेला परेका कार्कीको टाउकोमा चोट देखिएको प्रहरीले जनाएको छ l घटनाप्रकृति हेर्दा हत्या भएको जस्तो देखिएको न्यौपानेले बताए ।

कार्कीको शव छेउछाउमा हतियारहरु नदेखिएको तर, ढुंगाहरु देखिएको प्रहरीको भनाइ छ। ढुंगाले हिर्काएर कार्कीको हत्या गरेको हुनसक्ने अनुमान छ।