अनियन्त्रिण भएको रागाँलाई नियन्त्रणमा लिन प्रहरीले गोली चलाएको छ। आज (मंगलबार) बिहान न्यूरोड, कालिमाटी लगायत क्षेत्रमा मानिसलाई हान्दै हिडेपछि नियन्त्रणमा लिन गोली चलाइएको प्रहरीले बताएको छ ।

 मानिसलाई घाइते बनाउँदै हिडेपछि धनजनको क्षति नहोस् भनेर गोली प्रहार गरेको महानगरीय प्रहरी जनसेवा बृतका डिएसपी बासुदेव खतिवडाले बताए ।

रागाँको आक्रमणबाट तीन जना मानिस घाइते भएका छन्। उनीहरुको हात मुख लगायत शरिरमा चोट लागेको छ। त्यस्तै एउटा ट्याक्सीमा पनि रागाँको आक्रमणबाट क्षति भएको डिएसपी खतिवडाले बताए ।

रागाँ कसको हो भन्ने खुल्न सकेको छैन।  'अहिलेसम्म मेरो हो भनेर कोही आउनु भएको छैन', डिएसपी खतिवडाले भने ',हामीले महानगरपालिकालाई जिम्मा लगाएका छौं।'

काट्नको लागि तयार पारेको रागाँ फूत्किएर हुनसक्ने  उनले बताए ।