अपाङ्गता भएकी २१ बर्षिया युवतीलाई  बलात्कार गरेको आरोपमा एक जना पक्राउ परेका छन् । पक्राउ पर्नेमा रोल्पा नगरपालिका–९ घर भइ हाल गोरखा रहेका ४० बर्षीय धन बहादुर पुन मगर रहेका छन् ।

कम्मरभन्दा मुनिको भाग नचल्ने पालुङटार नगरपालिका–७ च्याङलीकी युवतीलाई घरमै बलात्कृत गरेको पीडित परिवारले दिएको जायरीको आधारमा पक्राउ गरिएको प्रहरीले जनाएको छ ।

विहान भट्टीमा सँगै रक्सी खाएर मगरलाई पीडितका बुवाले घरमा खाना खान लगेको बेला मगरले युवतीलाई बलात्कार गरेको प्रहरीले जनाएको छ ।छोरी रोएको आवाज सुनेर व्युँझिएपछि बलात्कार भएको थाहा पाएका उनले तत्काल प्रहरीमा उजुरी दिएका थिए ।

मगरलाई आइतबार करणीसम्बन्धी कसूरमा अनुसन्धान गर्न अदालतबाट म्याद थपेर अनुसन्धान सुरु गरिएको प्रहरीले जनाएको छ ।