मादक पदार्थ सेवन गरी प्रहरीलाई अभद्र व्यवहार गरेको आरोपमा जिल्लामा दुई जना पक्राउ परेका छन् । पालुङटार नगरपालिका–२ खोप्लाङका २७ वर्षका विकास भट्ट र २५ वर्षका भाष्कर पोखरेललाई पक्राउ गरिएको प्रहरीले जनाएको छ ।

प्रहरी निरीक्षक कमला नरालका अनुसार सदरमुकामको हरमटारीमा राति करिव नौ बजे उनीहरु चेकजाँचमा परेका थिए । मापसे गरेको भन्दै मोटरसाइकल छाडेर जान आग्रह गर्दा अटेर गर्दै उनीहरुले प्रहरीलाई दुर्ब्यवहार गरेपछि पक्राउ परेका हुन् ।

प्रहरी चौकी पुगेपछि पनि भट्टले प्रहरीमाथि अनावश्यक धम्की र गालीगलौज गरेको बताइएको छ । उनीहरुमाथि अनुसन्धान भइरहेको प्रहरी निरीक्षक नरालले बताइन् ।