संविधान दिवसकै दिन आज (बिहिबार) मकवानपुरको हेटौँडा प्रेसरकुकर बम भेटिएको छ । हेटौँडा उपमहानगरपालिका स्थित बुद्धचोकमा प्रेसरकुकर बम भेटिएको प्रहरीले जनाएको छ ।

उक्त बमलाई सेनाको बम डिस्पोजल टोलीले आज बिहान निस्क्रिय (डिस्पोज) गरेको छ । शङ्कास्पत वस्तु भेटिएपछि स्थानीयले प्रहरीलाई खबर गरेका थिए । बम निस्क्रिय गर्नुअघि सो क्षेत्रको सुरक्षाका लागि ठूलो सङ्ख्यामा प्रहरी परिचालन गरिएको थियो ।

सेनाको बम डिस्पोजल टोलीले बम डिस्पोज गरेसँगै अहिले त्यस क्षेत्रको जनजीवन सामान्य बन्दै गएको जिल्ला प्रहरी कार्यालय मकवानपुरले जानकारी दिएको छ ।बम कस्ले राख्यो भन्ने विषयमा हालसम्म कुनै जानकारी नआएको प्रहरीले जनाएको छ ।

थप जानकारी आउन बाँकी रहेको छ ।