काठमाडौं ।नेपाल विद्युत प्राधिकरणका कार्यकारी निर्देशक कुलमान घिसिङले भाडावालसँग बिजुलीको व्यापार नगर्न घरबेटीहरुलाई चेतावनी दिएका छन् ।
केही घरबेटीले प्राधिकरणले तोकेकोभन्दा धेरै शुल्क लिएको गुनासो आएको भन्दै उनले कुनै पनि घरबेटीले भाडामा बस्नेसँग प्राधिकरणले तोकेको शुल्कभन्दा धेरै शुल्क नलिन आग्रह गरेका हुन् । उनले घरबेटीहरुले प्राधिकरणलाई जति तिर्छन् उति भाडावालसँग लिनुपर्ने बताउदैँ बढी लिए कारबाही हुने चेतावनी समेत दिए ।
प्राधिकरणले तोकेकोभन्दा धेरै बिजुलीको शुल्क घरबेटीलाई नदिन पनि उनले आग्रह गरे ।
