भारतको महाराष्ट्र र हरियाणा राज्यको विधानसभा निर्वाचनमा सत्तारुढ भारतीय जनता पार्टी (बिजेपी) को सरकार पुनः स्थापित भएको छ। बिहीबार भएको मतगणनामा २ सय ८८ निर्वाचन क्षेत्र रहेको महाराष्ट्रमा बिजेपीको सहयोगी दलले बहुमत प्राप्त गर्यो। बिजेपी र शिवसेनाका संयुक्त मोर्चाले १ सय ६१ मत प्राप्त गरेको थियो।
महाराष्ट्रमा यसअघि पनि बिजेपीको सरकार थियो। यो राज्यमा सरकार बनाउन बिजेपीलाई १ सय ४५ सिट आवश्यक थियो।
महाराष्ट्रको तुलनामा हरियाणामा बिजेपीले केही फितलो प्रदर्शन गरेको छ। ९० सिटको विधानसभामा बिजेपीले ४० मत मात्र प्राप्त गर्यो। उसलाई एक्लै सरकार बनाउन ६ सिट कम भएको छ। प्रतिपक्षी कांग्रेस पार्टीले ३१ सिट प्राप्त गरेर राम्रो प्रदर्शन गरेको छ।
फितलो प्रदर्शनका बाबजुद बिजेपीले अन्य ६ निर्दलीय सांसदको समर्थन प्राप्त गरेर सरकार बनाउने बताएको छ।
प्रधानमन्त्री मोदीले बिहीबार मत परिणाम घोषणा हुनुअघि नै महाराष्ट्रका मुख्यमन्त्री देवेन्द्र फडनवीस र हरियाणाका मुख्यमन्त्री मनोहर लाल खट्टरले राम्रो काम गरेको भन्दै दोस्रो कार्यकालमा पनि उनीहरूलाई मौका दिने बताएका छन्।
बिजेपीले सरकार निर्माणका लागि शुक्रबार दुबै राज्यका गर्भनरसँग दावी गर्ने भएको छ।