भारतका चर्चित संगीत निर्देशक तथा गायक अनु मलिकलाई फेरि यौन उत्पीडनको आरोप लागेको छ। गायिका नेहा भसिनले अनुमाथि यौन उत्पीडनको आरोप लगाएकी हुन्। अनु भारतको लियालिटी सो इन्डियन आइडल सिजन ११ का जज हुन्। उनीसँगै विशाल ददलानी र नेहा कक्कड पनि सोमा जज छन्।

नेहाले अनुमाथि लगाएको आरोपलाई सोसल मिडिया साइटमा सोना महापात्राले ट्वीट समेत गरेकी छिन्। उनले भनेकी छिन्–'म धेरै अगाडिदेखि प्रतिभाशाली नेहा भसिनलाई चिन्ने गर्छु। मलाई थाहा छ उनी बहादुरीपूर्वक लड्न सक्छिन्।'

सोनाको ट्वीटमा सहमति जनाउँदै नेहाले लेखेकी छिन्– 'म तपाईको कुरामा सहमत छु। हामी एउ६ा लिगभेद भएको समाजमा बाँचिरहेका छौ‌ं। अनु मलिक भक्षक हुन्। म २१ वर्षको हुँदा उनको खराब व्यवहारका कारण उनी बसेको ठाउँबाट भाग्ने गर्थे। उनी मेरो अगाडी एउटा सोफामा पल्टेर एउटा स्टुडियोमा मेरो आँखाको बारेमा कुरा गरिरहेका थिए। यसपछि म झुटो बोलेर त्यहाँबाट भागे।'

नेहाले लेखेकी छिन्– 'तल आमा कुरिरहनु भएको छ भनेर म भागे। यसपछि उनले मलाई म्यासेज पठाए। फोन पनि गरे। जसको मैले कुनै प्रतिक्रिया दिइन। एक पल्ट म सीडी दिन जाँदा उनले मसँग खराब व्यवहार गरे। उनी विकृत मानसिकता भएका व्यक्ति हुन्।'