शाहिद कपुर र कियारा आडवाणी अभिनित फिल्म ‘कबीर सिंह’ ले भारतीय बक्स अफिस मात्र होइन, अस्ट्रेलियामा पनि कीर्तिमानी रकम कमाउन सफल भएको छ।
रिलिजको एक महिनायता पनि ‘कबीर सिंह’ ले राम्रो आम्दानी गरिरहेको छ।
शाहिद कपुर स्टार रहेको फिल्मले २०१९ मा भारतको बक्स अफिसमा अरु सबै फिल्मलाई पछाडि छोडिसकेको छ।
फिल्मले अस्ट्रेलियामा पनि निकै पैसा बटुलेको छ। अस्ट्रेलियामा आम्दानीको हिसाबले यसअघि ‘गली ब्वाय’ निकै हिट थियो। तर, यसलाई उछिनेर ‘कबीर सिंह’ नम्बर १ स्थानमा पुगेको छ।
‘कबीर सिंह’ ले हालसम्म ११ लाख ५५ हजार ८ सय ९८ अस्ट्रेलियन डलरको व्यापार गरेको छ। यसअघि ‘गली ब्वाय’ ले ९ लाख ४४ हजार डलरको व्यापार गरेको थियो। सलमान खानको ‘भारत’ ले ८ लाख ५२ हजार डलर उठाएको थियो।
‘कबीर सिंह’ कूल २ सय ७० करोडको आम्दानी गरिसकेको छ।
