बलिउड नायिका इशा गुप्ताविरूद्ध दिल्लीको एक अदालतमा मुद्धा दर्ता भएको छ। दिल्लीका एक व्यापारीले इशाविरूद्ध मानहानीको मुद्धा दर्ता गरेका हुन्।
इशाले केही दिनअघि एउटा होटलमा एक व्यापारीले आफूलाई गलत आशयले घुरेर हेरेको भन्दै लगातार थुप्रै पल्ट सोशल मिडियामा ट्वीट गरेकी थिइन।
उनले व्यापारीको फोटो पोस्ट गर्दै ‘आँखाबाट आफूलाई बलात्कार गर्न खोजिएको’ आरोप लगाएक थिइन।
उनको यो आरोपबाट मर्माहत भएका ती व्यापारीले आफ्नो चरित्र हत्या गर्न खोजेको भन्दै इशाविरूद्ध मुद्धा दर्ता गरेका हुन्।
अदालतले २८ अगस्टमा दुबै पक्षलाई बोलाएको छ। इशाको भर्खरै ‘वन डे’ नामक फिल्म रिलिज भएको थियो। केही समयअघि इशाकाे सम्बन्ध भारतीय अलरान्डर हार्दीक पाण्ड्यासँग जाेडिएकाे थियाे।
