चर्चाप्रिय संगीतकर्मी कालीप्रसाद बास्कोटालाई फेरि एकपटक चोरीको बात लागेको छ । यसअघि विदेशी संगीतबाट ‘इन्स्टाको फोटो’ चोरी गरेको आरोप लागेका उनलाई यसपटक स्वदेशी संगीतबाटै चोरी गरेको बात लागेको हो ।
उनलाई चोरीको बात लागेको गीत हो- ‘समाचार’ । उनकै शब्द संगीतमा तयार भएको यस गीतमा उनलाई संगीत चोरीको बात लागेको छ ।
बात लगाउने संगीतकार हुन्- बिक्की महत । उनले १० महिनाअघि फेसबुकमा सार्वजनिक गरेको ‘बुझाई देउ न’ बोलको गीतको संगीत चारेर समाचारमा राखेको आरोप लगाएका छन् ।
यस आरोपको कालीले ठाडै अस्वीकार गरेका छन् । उनले यस बारेमा आफूसँग कोही कुरा गर्न नै नआएको बताए ।
उता बिक्कीले भने महानरीय प्रहरी परिसर, टेकुमा कालीले चोरी गरेको भनेर उजुरी दिएको बताएका छन् ।
कालीका लागि चोरीको बात सामान्य भएको छ । उनी काग गराउँदै गर्छ पिना सुक्दै गर्छ भनेझै बात लाग्ने काम गर्दै अघि बढिरहेका छन् ।
यसपटक भने प्रहरीकैमा उजुरी परिसकेकाले केही चेत्छन् कि ? त्यो त समयले नै बताउला ।
