स्पेनिस ला लिगामा भिल्ला रियलले रियल बेटिसमाथि फराकिलो जित हासिल गरेको छ ।गएराती सम्पन्न खेलमा भिल्ला रियल ५–१ गोल अन्तरको फराकिलो जित हात पारेको हो ।

भिल्लाको जितमा कार्ल टोको एकाम्बीले दुई तथा सान्ती काजोर्ला, जेरार्ड मोरेनो र साम्युयल चुकयुएजेले समान एक एक गोल गरेका थिए । त्यस्तै रियल बेटिसका लागि एक गोल एमरसनले गरेका थिए ।

एकतर्फी भएको खेलमा भिल्लाले ३९ औं मिनेटमा गोल गरेको थियो । कार्ल टोको एकाम्बीकै एक गोल बाट पहिलो हाफ १–० को अग्रता बनाएको भिल्लाले दोस्रो हाफमा थप ४ गोल गर्यो । खेलको ६८ औं मिनेटमा सान्ती काजोर्लाले गोल गर्दै अग्रता २–० बनाए । त्यसको ८ मिनेट पछि नै एकाम्बीले व्यक्तिगत दोस्रो गोल गर्दा भिल्ला ३–० ले अगाडी रह्यो ।

जेरार्ड मोरेनो र साम्युयल चुकयुएजेले खेलको ९० औं मिनेटमा गोल गरे ।बेटिसका लागि एक मात्रै गोल खेलको ४८ औं मिनेटमा एमरसनले गरेका थिए ।

जितपछि भिल्लारियल अंक तालिकामा पाँचौ स्थानमा उक्लिएको छ । ७ खेलमा ३ जित २ बराबरी र २ हारसहित भिल्लाले ११ अंक बटुलेको हो ।त्यस्तै रियल बेटिस भने ७ खेलमा ८ अंक बटुलेको छ र अंक तालिकामा नवौ स्थानमा रहेको छ ।

अहिले अंक तालिकामा रियल म्याड्रिड १४ अंकसहित शिर्ष स्थानमा छ भने बार्सिलोना र सेभियाजस्ता ठुला क्लब १०-१० अंक सहित सातौ र आठौ स्थानमा पुगेका छन् ।