स्पेनिस ला लिगा अन्तर्गत मंगलबारको खेलमा बार्सिलोनाले भिल्लारियललाई पराजित गरेको छ । एन्टोइन ग्रिज्मन र आर्थरको गोलमा बार्सिलोनाले २–१ को जित दर्ता गरेको हो ।

 घरेलु मैदानमा बार्सिलोनाले छैटौं मिनेटमा नै अग्रता लिएको थियो । मेस्सीको क्रसमा ग्रिज्मनले हेडरमार्फत गोल गर्दै बार्सिलोनालाई १–० को अग्रता दिलाएका थिए ।

खेलको १५ औं मिनेटमा गोल गर्दै आर्थरले अग्रता दोब्बर पारे । उनले पेनाल्टी क्षेत्रबाहिरबाट गरेको शक्तिशाली प्रहार सिधै गोलमा परिणत हुँदा २–० को अग्रता बनाएको थियो ।

पहिलो हाफ सकिन एक मिनेट बाँकी रहँदा सान्टि कजोर्लाले उत्कृष्ट गोल गर्दै भिल्लारियललाई खेलमा फर्काएका थिए ।

यस जितसँगै बार्सिलोना अंक तालिकाको चौथो स्थानमा उक्लिएको छ । बार्सिलोनाको ६ खेलमा १० अंक रहेको छ । ग्रानडा, एथलेटिक बिल्बाओ र रियल म्याड्रिडको समान ११–११ अंक छ ।