आईसीसी एकदिवसीय विश्कप अघि भएको दोस्रो वार्मअप खेलमा अफगानिस्तानमाथि इंग्ल्यान्डले सानदार जित निकालेको छ।

घरेलु टोली इंग्ल्यान्डले सोमबार साँझ अफगानिस्तानलाई ९ विकेटले हराउँदै उत्कृष्ट जित निकालेको हो।

अफगानिस्तानले दिएको १ सय ६१ रनको सामान्य लक्ष्य इंग्ल्यान्डले  मात्र १ विकेट गुमाएर १७.३ ओभरमा पुरा गर्‍यो।

सहज जित निकाल्ने क्रममा ओपनर जोसन रोयले सर्वाधिक ८९ रन बनाए। ४६ बल खेलेका उनले ११ चौका र ४ छक्का प्रहार गर्दै अभिजित रहे।

त्यस्तै जोनी बेयस्टोले ३९ रन जोड्दा जो रूट २९ रनमा नटआउट रहे।

यसअघि ओभलमा टस हारेर पहिला ब्याटिङ गरेको अफगानिस्तान ३८.४ ओभरमा अल आउट हुँदै १ सय ६० रनमा समेटियो। उसका लागि मोहम्मद नाबीले सर्वाधिक ४४ रनको महत्वपूर्ण योगदान दिए।

यस्तै दवालत जद्रानले २० रन बनाउँदा अफ्तव आलमले ६ रन जोडे।

ओपनर नुर अलीले ३० बनाउँदा अर्का ओपनर हज्रतुल्लाह जजाई ११, सामथ शाह ३, हसमतुल्लाह साहिदी १९, अस्गर अफगान १०, राशिद खान शून्य र कप्तान गुलबदीन नाइब १४ रनमा आउट भए।

इंग्ल्यान्डका लागि जो रूट र जोफ्रा आर्चरले ३-३ विकेट लिँदा बेन स्ट्रोक्स र मोइन अलीले १-१ विकेट लिए।