पाकिस्तानको दक्षिणपश्चिम बलोचिस्तान प्रान्तमा एउटा अस्पतालबाट नवजात शिशु चोरेर आफ्नी नि:सन्तान आफन्तलाई दिएको आरोपमा एक महिला स्वास्थ्यकर्मी पक्राउ परेकी छन्।
उक्त शिशुको परिवारलाई सुरुमा शिशु हराएको पनि पत्तो भएन। शिशुकी आमाले जुम्ल्याहा बच्चालाई जन्म दिएको उनीहरूलाई कसैले बताएको थिएन।
ती महिला होसमा आएपछि उनले अर्को शिशुबारे सोधपुछ गरेपछि मात्र जुम्ल्याहामध्ये एक जना हराएको थाहा भएको परिवारका एक सदस्य अब्दुल हमिदले बीबीसीलाई बताए।
हमिदले जमिला बीबीलाई गाउँभन्दा ६० किलोमिटर टाढा रहेको लोरालाई अस्पताल पुर्याएका थिए।
