जनकपुर । सडकमार्गबाट जनकपुर आइपुग्ने जोकोहीलाई जानकी मन्दिर पुग्न रामानन्द चोक पुग्नैपर्ने हुन्छ । रामानन्द चोकदेखि जानकी मन्दिर जाने बाटोको दुवै छेउमा पर्ने अधिकांस क्षेत्र मठ, मन्दिर तथा विभिन्न कुटीहरुले सजिएको छ । कलात्मक शैलीमा निर्माण गरिएका ती मन्दिर, ऐतिहासिक पोखरी तथा तलाउ र कुटीहरुको बगैंचा भने अहिले सडकमा हिँड्नेले हेर्न सक्दैन । कारण हो, धार्मिक तथा पौराणिक महत्वको धरोहरमाथि भू–माफिया हावी हुनु ।