नेकपाका दुई अध्यक्ष पुष्पकमल दाहाल र खड्ग प्रसाद ओलीको दुरी बढेको हल्लाले बेलाबेला नेपाली राजनीतिमा तरंग पैदा हुने गर्छ। पटकपटक बल्झिरहने यो समस्याको प्रमुख कारण दुई अध्यक्षको दाउपेच नै हो। दाउपेच नामको दीर्घरोगको बिजारोपण पनि दुई पार्टीको चुनावी तालमेलकै बेला भएको हो।
दीर्घरोगको नकारात्मक असर समयसमयमा बल्झिरहनु स्वभाविकै हो। पूर्व एमाले र माओवादीको मिलन तथा नेकपाको निर्माण विशुद्ध स्वार्थको गणित हो। यो एकतामा सिद्धान्तको जलप पनि लगाइएको छ। तर यो प्रधान नभएर सहायक आधार मात्र हो। प्रमुख कारण तात्कालीन दुई पार्टीको अध्यक्षको स्वार्थ नै हो।
