काठमाडौँ । नेपाली काँग्रेस चरम गुटबन्दीले ग्रसित छ । चरम गुटबन्दीकै कारण महाधिवेशनको दुई महिनाभित्र गठन गरिसक्नुपर्ने पार्टी विभाग र समिति अहिलेसम्म गठन हुने सकेको छैन ।
गुटबन्दीबाट काँग्रेस बन्धक बनेको पछिल्लो उदाहरण बिहीबार दिउँसो २ बजेका लागि बोलाइएको केन्द्रीय समिति बैठकलाई लिन सकिन्छ । उक्त बैठकका एजेण्डा थिए–पार्टीका विभागहरु गठन र उपनिर्वाचनका लागि उम्मेवारी छनोट तथा अन्तरिक तयारी ।
सोही एजेण्डा बोकेर पार्टी सभापति शेरबहादुर देउवा पक्षका नेता औपचारिक रुपमा बैठक सञ्चालनका लागि ४ बजे पार्टी कार्यालयकाको तेस्रो तलामा रहेको बैठक हलमा प्रवेश गरेका थिए ।
तर वरिष्ठ नेता रामचन्द्र पौडेल पक्षका नेताहरु पार्टी कार्यालयको पहिलो तलाबाट माथि उक्लिन तयार भएनन् ।
