२७ भदौ, काठमाडौं । काठमाडौंको फोहोरलाई मोहरमा बदल्ने सोचसहित व्यवस्थापनको काम निजी क्षेत्रलाई जिम्मा दिने योजनामा ढिलाइ भएको छ । लगानी बोर्डमार्फत फोहोर व्यवस्थापनमा निजी क्षेत्रलाई भित्र्याउने प्रक्रिया १० वर्ष अगाडि नै सुरु भए पनि काम भने अझै भएको छैन ।
परियोजना विकास सम्झौता (पीडीए) हुनै लाग्दा काठमाडौं महानगरपालिकाले चासो राखेपछि ढिलाइ भएको लगानी बोर्डको भनाइ छ । तर, महानगरपालिका भने यो परियोजना जतिसक्दो छिटो सुरु हुनुपर्ने पक्षमा रहेको बताउँछ ।
