इन्टरपोल नोटिसको नालीबेली : धमाधम पक्राउ पर्दै विदेशमा लुकेका अपराधी

तस्बिरः एजेन्सी

पछिल्लो वर्ष इन्टरपोलको सहयोगमा नेपालमा आपराधिक क्रियाकलाप गरेर विदेशमा लुकेर बस्दै आएका व्यक्तिहरूलाई नेपाल प्रहरीले धमाधम पक्राउ गर्दै नेपाल ल्याइरहेको छ ।

 सन् २०१८ मा मात्र नेपाल प्रहरीको इन्टरपोल शाखाले ९ जनालाई पक्राउ गरेर नेपाल ल्याएको नेपाल प्रहरीको तथ्याङ्कमा उल्लेख छ । जसमा ७ जना रेड नोटिसको आधारमा पक्राउ परेका हुन् भने २ जना डिफ्युजन नोटिसको आधारमा ।

पछिल्लो ९ वर्षमा नेपाल प्रहरीले १९ जनालाई पक्राउ गरेर नेपाल ल्याएको छ । सन् २०१८ मा सबैधन्दा धेरै पक्राउ परेका छन् ।

सन् २०११ मा जालसाजी मुद्दामा क्यानाडाबाट रोशन पाण्डेलाई पक्राउ गरेर नेपाल ल्याएको प्रहरीको तथ्याङ्कमा उल्लेख छ ।

यस्तै सन् २०१२ मा जालसाजी मुद्दामा एकजना र हत्यामा एक जनालाई पक्राउ गरी नेपाल ल्याइएको छ । विनिता प्रधान थाइल्यान्डबाट र अनिल राजलाई भारतबाट पक्राउ गरेर ल्याइएको हो ।

सन् २०१५ मा २ जनालाई वन्यजन्तु अपराध र हत्यामा संलग्न पक्राउ गरेर नेपाल ल्याइएको प्रहरी तथ्याङ्कमा उल्लेख छ । राजकुमार पर्जालाई मलेसियाबाट पक्राउ गरिएको हो भने सञ्जय यसमाली साउदी अरबबाट पक्राउ परेका हुन् ।

प्रकाशित मिति: : 2019-06-20 12:28:58

प्रतिकृया दिनुहोस्