बलिउड अभिनेता ऋतिक रोशनले सामाजिक सञ्जाल इन्स्टाग्राममा मुटुको एउटा तस्विर शेयर गर्दै भावुक स्टाटस लेखेका छन्।
उनले लेखेका छन्, ‘मेरो मुटुको आकार। साँच्चै...................हामी सबै कति कमजोर छौं। हामीले जीवनको आधा समय यत्तिकै खर्च नगरिकनै हरेक समय सबैलाई प्रेम गर्ने कोसिस गर्न सकिएको भए। हामी कति सजिलै बिर्सन्छौं कि हामी सबै एकै हौं र प्रेमका लागि बनेका छौं।’
उनको तस्विरमा करिब ९ लाखले लाइक र कमेन्ट गरेका छन्। सार्वजनिक तस्विरमा उनका एक प्रशंसक लेख्छन्, 'मुटु एकदम स्वस्थ्य देखिरहेको छ।' त्यस्तै अर्का प्रशंसकले लेख्छन् 'प्रेरणादायक।'
कामको कुरा गर्ने हो भने सन् २०१९ मा ऋतिक दुई फिल्म ‘सुपर ३०’ र ‘वार’ मा देखिए। दुबै फिल्म बक्स अफिसमा सुपरहिट भए।
'सुपर ३०' र 'वार'पछि ऋतिकले कुनै नयाँ प्रोजेक्ट साइन गरेका छैनन्।
