उपनिर्वाचन भएका बिभिन्न जिल्लाका स्थानीय तह अन्तर्गत ४३ वटा वडामध्ये अधिकांशको मतगणना सकिदा सत्तारुढ नेकपाले २२ वडाध्यक्ष जितेर अग्रता कायम राखेको छ।
नेपाली कांग्रेस १२ वडाध्यक्ष जितेर दोस्रो स्थानामा छ भने समाजवादी पार्टीले ३ वटा वडाध्यक्ष जितेर तेस्रो स्थानमा छ। राष्ट्रिय जनता पार्टी (राजपा) ले ३ वडाध्यक्ष जितेको छ।
उपचुनाव भएका ४३ वडामध्ये यसअघि तत्कालीन एमालेले जितेका २१ र माओवादीले जितेका २ समेत गरी २३ वडामध्ये नेकपाले ८ वडा गुमाएको छ। तर उसले यसअघि कांग्रेसले जितेका समेत गरी ८ वटै वडा जितेर आफ्नो संख्या कायम राख्न सफल भएको छ।
पहिले जितेका ८ वडा गुमाउँदा उसले त्यति नै संख्यामा नयाँ ठाउँमा जित निकालेको छ।
त्यस्तै नेपाली कांग्रेसले जितेका ठाउँमा उपचुनाव हुने १२ वडा थिए। तीमध्ये कांग्रेसले ८ वटा वडा गुमाएको छ। तर उसले नेकपा र राजपाले यसअघि जितेका वडामा नयाँ जित निकालेर ८ नयाँ वडा जितेर १२ स्थानमा आफ्नो विजय निकालेको छ।
यसअघि राजपाले जितेका ३ मध्ये २ वडा गुमाएको छ भने समाजवादीले ३ वटा वडा जितेर एक सिट थपेको छ।
४३ वडामा भएको निर्वाचनमध्ये प्युठानको ऐरावती गाउँपालिका १ र २ को मतपरिणाम प्राप्त हुन बाँकी छ। यसैगरी महोत्तरीको बलवा गाउँपालिका ८ र धरान उपमहानगरपालिका ७ को परिणाम पनि आउन बाँकी छ ।
क्र.सं. गापा/नपाका वडा उपचुनावमा विजयी दल
१. हिलिहाङ-७, पाँचथर- कांग्रेस
२. फिदिम-१, पाँचथर- नेकपा
३. धनपालथान-२, मोरङ- कांग्रेस
४. खाँदबारी-३, संखुवासभा- नेकपा
५. धरान-७, सुनसरी- नेकपा
६. साकेला-३, खोटाङ- नेकपा
७. पौवादुङ्मा-१, भोजपुर- नेकपा
८. छिन्नमस्ता-७, सप्तरी- राजपा
९. कल्याणपुर-१२, सिरहा- नेकपा
१०. मटिहानी-६, महोत्तरी- राजपा
१३. गढीमाई-२, रौतहट- कांग्रेस
१४. सखुवाप्रसौनी-५, पर्सा- समाजवादी
१५. हरिपुर्वा-१, सर्लाही- समाजवादी
१६. बारागढी-१, बारा- समाजवादी
१७. उमाकुण्ड-५, रामेछाप- नेकपा
१८. खैरहनी-४, चितवन- कांग्रेस
१९. खैरहनी-५, चितवन- कांग्रेस
२१. धुलिखेल-२, काभ्रे- नेकपा
२२. दक्षिणकाली-३, काठमाडौं- नेकपा
२३. इन्द्रावती-८, सिन्धुपाल्चोक- नेकपा
२४. बढीगाड-२, बागलुङ- नेकपा
२५. सुन्दरबजार-२, लम्जुङ- नेकपा
२६. बुङ्दीकाली-५, नवलपरासी- नेकपा
२७. मालारानी-३, अर्घाखाँची- कांग्रेस
२८. ऐरावती-१, प्युठान- नेकपा
२९. ऐरावती-२, प्युठान- जनमोर्चा
३०. प्युठान नगरपालिका-२, प्युठान- नेकपा
३१. घोराही-१६, दाङ- कांग्रेस
३२. कोहलपुर-६, बाँके- नेकपा
३३. रुरु-६, गुल्मी- नेकपा
३४. थवाङ-१, रोल्पा- नेकपा स्वतन्त्र
३५. शिवराज नपा- १०- कपिलवस्तु- राजपा स्वतन्त्र
३६. कुमाखमालिका-५- सल्यान, नेकपा
३७. आदर्श-२, डोटी- नेकपा
३८. मेल्लेख-५, अछाम- नेकपा
३९. पुरचौडी-४, बैतडी- कांग्रेस
४०. दोगडा केदार-४, बैतडी- कांग्रेस
४१. सुर्नया-१ बैतडी, कांग्रेस
४२. पुनर्वास-३, कञ्चनपुर- नेकपा
४३. त्रिवेणी-१ बाजुरा- नेकपा
