युएईमा जारी टी-१० क्रिकेट लिगमा नेपाली राष्ट्रिय क्रिकेट टिमका लेग स्पिनर सन्दीप लामिछाने रहेको टिम कर्नाटका टुसकेर्स र मराठा अरेबियन्सबीचको खेल नतिजा विहीन भएको छ।
आबु धाबीमा वर्षाले खेल प्रभावित भएपछि कर्नाटका र अरेबियन्सले समान एक एक अकं बाढेका छन्।
आबुधाबीमा टस जितेर पहिले ब्याटिङ गरेको अरेबियन्सले १० ओभरमा ४ विकेट गुमाएर १ सय २९ रन बनायो। अरेबियन्सले कर्नाटकालाई जितका लागि १ सय ३० रनको लक्ष्य दिएको थियो।अरेबियन्सले दिएको १ सय ३० रनको लक्ष्यसहित कर्नाटकाले जवाफी ब्याटिङ गर्ने तयारी गरिरहदा वर्षाको कारण खेल स्थगित भयो।
कर्नाटका लागि क्रिस लिनले ६१ तथा एडम ल्याइथले ५० रनको अर्धशतकीय इनिङ्स खेले।यस्तै नाजिबुल्लाहले ११ र वालटोनले ४ रन बनाए।
कर्नाटकाका लागि अहमेद राजा, नाथन र सन्दीप लामिछानेले १/१ विकेट लिए।
खेल स्थगित भएपछि सुपर लिगमा कर्नाटका ४ खेलमा ३ अंक जोडेर छैटौं स्थानमा रहेको छ।
यस्तै अरेबियन्स ५ अंक जोडेर दोस्रो स्थानमा रहेको छ।
