बेनिघाटस्थित पृथ्वीराजमार्गको खटौटी पुलमा ग्यास बोक्ने भारतीय बुलेट पल्टिएको छ।
आइतबार बिहान वीरगन्जबाट काठमाडौं जाँदै गरेको पीआर ०६ जीडी १११३ नम्बरको पल्टिएको बुलेटबाट ग्यास लिक भइरहेका कारण नजिकैको ग्यास उद्योगबाट प्राविधिकहरु बोलाएर त्यसलाई नियन्त्रणमा लिने प्रयास भइरहेको प्रहरीले जनाएको छ।
अप्रिय घटना नहोस् भनेर धादिङबाट दुर्घटनास्थलमा दमकल पनि पठाइएको छ। यसैगरी पृथ्वीराजमार्ग पनि एकतर्फी रुपमा मात्र खुलेको छ।
बुलेट टेन्कर गाडि आफैँ अनियन्त्रित भई पल्टिँदा गाडि चालक र सहचालक सामान्य रहेको प्रहरीले जनाएको छ।
