भारतीय महिलालाई विराटनगर ल्याएर यौन व्यवसायमा लगाउने एकजना पक्राउ परेका छन्। पक्राउ पर्नेमा भारतको बिहारका ४५ वर्षे मोहम्मद रियाज रहेका छन्।
मोरङका प्रहरी प्रवक्ता डीएसपी राजकुमार खिँउजु अनुसार रियाजले भारतीय महिलालाई नेपाल ल्याएर होटल तथा गेष्ट हाउसमा यौन व्यापारमा लगाउने गरेका थिए। रियाजले केही समयदेखि विराटनगर महानगरपालिका–१५ रानीमा रहेको हिमाल गेस्ट हाउसमा समेत काम गर्दै आएको उनले बताए।
भारतस्थित फारविसगञ्ज घर भएकी एक महिलाले दिएको उजुरीका आधारमा रियाजलाई बुधबार प्रहरीले पक्राउ गरेका हो। रियाजविरुद्ध मानव बेचबिखन तथा ओसारपसार नियन्त्रण ऐन २०६४ बमोजिम मुद्दा चलाइने डीएसपी खिँउजुले बताए।
