महानगरीय ट्राफिक प्रहरी महाशाखाले बिभिन्न स्थानबाट चोरी गरिएका मोटरसाइकल सम्बन्धित सवारी धनीहरुलाई बुझाएको छ ।

महाशाखाले सोमबार बिभिन्न स्थानबाट हराएका २० वटा मोटरसाइकल सवारी धनीहरुलाई बुझाएको हो ।

महाशाखाका प्रमुख एसएसपी भीम प्रसाद ढकालले मोटरसाइकल हराएको उजुरीका आधारमा अनुसन्धान गर्दा चोरी भएका मोटरसाइकल चोरसहित फेला परेको बताए । उनले नयाँ मोडलका मोटरसाइकल बढि हराउने देखिएको बताए । उनले हराएको मोटरसाइकल खोज्ने अभियान ट्राफिक प्रहरीले जारी राखेको जानकारी दिए ।

त्यस्तै ट्राफिक प्रहरीले पार्किङ गरेर बिर्सिएको कार सवारी धनिलाइ बुझाएको छ ।

एक सवारी चालकले कार पार्क गरेको ठाँउ बिर्सिएर ट्राफिक प्रहरीसमक्ष हराएको उजुरी गरेका थिए । उजुरी पछि अनुसन्धान गर्दा सवारीधनीले नै पार्किङ गरेर बिर्सिएको देखिएको ट्राफिक प्रहरीको भनाई छ ।