निश्चल बस्नेत र स्वस्तिमा खड्काको अभिनय रहेको फिल्म ‘घामड शेरे’को प्रदर्शन मिति सारिएको छ । शुक्रबारबाट प्रदर्शनमा आउने तयारीमा रहेको यो फिल्म अन्तिम समयमा आएर सारिएको हो ।
मल्टिप्लेक्समा अपेक्षा गरेको भन्दा पनि कम सोज पाएको कारण फिल्मको रिलिज सारिएको बितरक प्रचन्डमान श्रेष्ठले बताए । ‘घामड शेरे’ अब कात्तिक २२ गतेबाट प्रदर्शनमा आउने उनले बताए ।
हेमराज विसी निर्देशित फिल्ममा निश्चल र स्वस्तिमा साली भेनाको भूमिकामा छन् ।
