प्रधानमन्त्री कप राष्ट्रिय क्रिकेट प्रतियोगितामा बागमतीविरुद्ध एपिएफले सानदार जित हात पारेको छ।

आइतबार काठमाडौँस्थिति त्रिवि क्रिकेट मैदानमा भएको खेलमा एपिएफले बागमती प्रदेशलाई ८९ रनले हराउँदै उत्कृष्ट सुरुवात गरेको छ।

बागमती को भने यो दोस्रो हार हो। त्रिवि मैदानमा एपिएफले दिएको २४२ रन पछाएको बागमतीले ४२. ५ ओभरमा १५२ रन बनाउँदै अलआउट हुन पुग्यो। बागमती को लागि कप्तान रित गौतमले सर्वाधिक ६० रन बनाए। आशुतोष घिरैयाले ४१ रन बनाए।

एपीएपका लागि कप्तान रोहित कुमार पौडेले ४ विकेट लिए भने अभिनास बोहारा र मौसम ढकालले समान २-२ विकेट लिए।

त्यसअघि त्रिवि मैदानमा टस हारेर ब्याटिङको निम्तो पाएको एपिएफले २४१ रन बनाएको थियो। एपिएफको लागि सन्दीप जोराले उत्कृष्ट ब्याटिङ गरे। जोराले ११७ बलमा ११२ रन जोडे।

एपिएफका प्रज्वल शाहीले १०, आसिफ शेखले १५ रन बनाए। त्यस्तै, कप्तान रोहित २ रनमा पेभलियिन फर्किए। लाकेश बम २७ तथा भुवन कार्की १० रनमा आउट भए।

बागमती को लागि सूर्य तामाङले ३ विकेट लिँदा प्रतिश जिसी र रिजन ढकालले समान २-२ विकेट लिए। त्यस्तै, सोनु देवकोटाले १ विकेट लिए।