BreakNLinks

शुक्रबार, १६ अक्टोबर २०२६

राजनीति

संघीयताको विकल्प होइन अझै बलियो बनाउनुपर्छ: सभामुख

सभामुख देवराज घिमिरेले संघीयताको विकल्प खोज्नुभन्दा यसलाई सबलीकरण गरेर अगाडि बढ्नुपर्ने बताएका छन्। शनिबार काठमाडौंमा आयोजित सङ्घीयता सबलीकरणमा प्रदेश तथा स्थानीय तहका सवालहरूमा छलफल कार्यक्रममा उनले संघीयता बलियो बनाउन अन्तर प्रदेश परिषद्, अन्तर सरकारी वित्त परिषद् र राष्ट्रिय समन्वय परिषद् जस्ता फोरमहरुलाई क्रियाशील बनाउनुपर्ने भन्दै अबको कार्यहरु संघीयतामा केन्द्रीत भएर अगाडि बढाउनुपर्ने बताए ।  उनले भने, ‘योजना तर्जुमा र बजेट वितरण संघमा सीमित रहनु संघीयताको मर्म अनुसार होइन । संघीयता बलियो बनाउन अन्तर प्रदेश परिषद्, अन्तर सरकारी वित्त परिषद् र राष्ट्रिय समन्वय परिषद् जस्ता फोरमहरुलाई क्रियाशील बनाउन जरुरी छ । संघीयताको विकल्प खोज्नुको सट्टा यसको सबलीकरण र संघीयतामा केन्द्रीत हुनुपर्छ भन्ने कुरामा दुढताका साथ यो छलफल पछाडि लाग्नुपर्छ ।’

बिएल संवाददाता

बिएल संवाददाता - काठमाडौं

प्रधानमन्त्रीको हप्ता दिन: समृद्धिका दर्जन भाषण, काम शून्य

सारांशमा, प्रधानमन्त्री ओलीको पछिल्लो हप्ता निश्चित रूपले असल गतिविधिहरूको चाँदीपत्र हो, तर त्यसको भित्री तात्त्विकता शून्य छ। महत्त्वपूर्ण योजनाहरूका बारेमा उनलाई आवश्यक नेतृत्व लिने गरेपनि परिणाम सन्तोषजनक देखिएको छैन्। उनको प्राथमिकता भनेको देशको वास्तविक हित होइन, केवल आफूलाई सबैभन्दा माथि देखाउने र कसमसाउने नै रहेको बुझ्न सकिन्छ।

बिएल संवाददाता

बिएल संवाददाता - काठमाडौं

पानीबिनाको जीवन एकछिन पनि कल्पना गर्न सकिन्नः उर्जामन्त्री खड्का

‘प्रथम राष्ट्रिय पानी सम्मेलन’मा बोल्दै मन्त्री खड्काले पानीको सही सदुपयोग र सही उपयोग गर्नसके दैनिक जिवनमा मात्र नभइ मुलुकको आर्थिक समृद्धिमा समेत टेवा पुग्ने बताए। उनले भने, ‘पानीबिना जिवन एकछिन कल्पना गर्न पनि हामीलाई गाह्रो छ। सबैभन्दा बढी पानी अर्थात जलस्रोत भएको मुलुक मध्येको एक नेपाल पनि हो भनेर यसको उपयोग गर्दैगर्दा हामी महशुस गर्न सक्छौं। यसरी तुलनात्मक ढंगले यसलाई हेरेर यसको संरक्षणमा लाग्नु आजको आवश्यकता हो। दैनिक जिवनमा मात्रै होइन मुलुकको आर्थिक समृद्धिका लागि पनि जलस्रोत अत्यन्तै उपयोगी छ। खासगरी नेपालका लागि क्रान्तिकारी आर्थिक समृद्धिको लागि पानीको उपयोग गरेर समृद्ध बनाउने, रोजगारी सिर्जना गर्ने, लक्ष्य लिएर मुलुक अगाडि बढिरहेको छ।’

बिएल संवाददाता

बिएल संवाददाता - काठमाडौं

‘गोरखनाथ’सँग ‘राजा’ को साइनो

गोरखनाथलाई शाहवंश अझ खासगरी राजपरिवारले आफ्नो ‘इष्ट देवता’का रुपमा मान्दै आएको छ। पौराणिक किंवदन्तीहरूमा गोरखनाथकै आशीर्वादले शाहवंशले देशको राजकाज सम्हाल्ने मौका पाएको भन्ने छ।

बिएल संवाददाता

बिएल संवाददाता - काठमाडौं

थप पाँच लाख आप्रवासीलाई अमेरिका छोड्न निर्देशन

सन् २०२२ मा सुरु भएको यो कार्यक्रममा सुरुमा भेनेएजुला थियो। पछि अरु पनि देशहरू जोडिएका थिए। यसअघि नै कार्यकाल सम्हालेसँगै ट्रम्पले लाखौं आप्रवासीहरूको सूची सार्वजनिक गरेर उनीहरूलाई डिपोर्ट गर्न आदेश दिइसकेका थिए।

बिएल संवाददाता

बिएल संवाददाता - काठमाडौं

अहिलेकाे सरकार भष्टाचारीलाई जोगाउन बनेकाे प्रचण्डकाे आरोप

नेकपा माओवादी केन्द्रका अध्यक्ष पुष्पकमल दाहाल प्रचण्डले अहिलेको सरकार भष्टाचारीहरूलाई जोगाउनका लागि बनेको बताएका छन्। शुक्रबार वीरगन्जमा सञ्चारकर्मीहरूसँग कुरा गर्दै उनले प्रधानमन्त्री केपी ओली नेतृत्वको सरकारले भ्रष्टाचारीहरूलाई जोगाउने र नराम्रो गर्नेलाई पुरस्कृत गर्ने काम गरिरहेको बताएका हुन्।

बिएल संवाददाता

बिएल संवाददाता - काठमाडाैं

नेपालमा ‘सेक्स टुरिज्म’, बहसमै बन्देज (भिडिओसहित)

नेपालमा पनि यौन पर्यटनको सुरुवात गर्ने वा ‘रेड लाइट एरिया’बारे कुरा उठाउने उनी पहिलो नेता वा सांसद भने होइनन्। यसअघि पनि यसबारे पटक पटक बहस हुँदै आएको छ।  अहिलेका सञ्‍चार तथा सूचना प्रविधि मन्त्री एंव सरकारका प्रवक्ता पृथ्वी सुब्बा गुरुङले पनि यसअघि ‘रेड लाइट एरिया’बारे बहस सुरु गरौं भनेका थिए।

बिएल संवाददाता

बिएल संवाददाता - काठमाडौं

मुख्यमन्त्री सिंह र योगी आदित्यनाथबीच भेट

भेट अनौपचारिक भएता पनि मुख्यमन्त्री सिंहले जनकपुरधामसँगै मधेश प्रदेशको धार्मिक, साँस्कृतिक र पर्यटकीय विकासको बृहत्त सम्भावनाका विषयमा कुराकानी भएको जनाइएको छ।

बिएल संवाददाता

बिएल संवाददाता - काठमाडौं

बद्री समूहलाई ‘गलाउन’ शेष घलेको सक्रियता

घलेले एकता महाधिवेशन सर्वोच्च अदालतको आदेश पुरा गर्ने विषय मात्रै नभएर दिगो तथा प्रजातान्त्रिक संस्था निर्माण गर्नका लागि दरिलो ढाँचा बनाउन पनि भएकाले विभिन्न देशमा रहेका एनआरएसँग अन्तरक्रिया छलफल गरेर सुझाव लिने र सोही अनुसार महाधिवेशन सम्पन्न गर्ने गरी आफू दौडाहामा लागेको बताए।

बिएल संवाददाता

बिएल संवाददाता - काठमाडौं

टर्कीका राष्ट्रपतिलाई प्रधानमन्त्रीको टेलिफोन, विपिन जोशीको रिहाइका लागि पहल गरिदिन आग्रह

प्रधानमन्त्री केपी शर्मा ओलीले गणतन्त्र टर्कीका राष्ट्रपति रेकेप तय्यिप इर्दोगानसँग टेलिफोन संवाद गरेका छन्। बिहीबार दुई नेताबीचको टेलिफोन संवादका क्रममा प्रधानमन्त्री ओलीले हमासले बन्धक बनाएका नेपाली विद्यार्थी विपिन जोशीको रिहाइका लागि पहल गरिदिन आग्रहसमेत गरेका छन्। राष्ट्रपति रेकेपले यस विषयलाई आफूले गम्भीर चासोका रुपमा लिएर पहल गर्ने बताउँदै विपिनको परिवारलाई यसबारे जानकारी दिन आग्रह गरेको प्रधानमन्त्रीको सचिवालयले जनाएको छ।

बिएल संवाददाता

बिएल संवाददाता - काठमाडौं

प्रचण्डको दाबी- ‘माओवादी कसैको बैशाखी नटेकी चुनाव लड्नै सक्दैन’ भन्ने भाष्य खारेज भयो

नेकपा माओवादी केन्द्रका अध्यक्ष पुष्पकमल दाहाल (प्रचण्ड)ले आफ्नो पार्टीले एक्लै चुनाव जित्ने आधार बलियो बनाउँदै गएको बताएका छन्। जनतासँग माओवादी, तराई मधेश जागरण अभियानअन्तर्गत बारामा आयोजित मधेश जागरण सभालाई सम्बोधन गर्दै उनले विगतमा कांग्रेस र एमालेसँग मिलेर चुनाव लड्दा उनीहरूले फाइदा लिने तर माओवादीले घाटा व्यहोर्ने अवस्था रहेको उल्लेख गर्दै अब एक्लैले चुनाव लडेर जित निकाल्ने आधार बलियो बन्दै गएको दाबी गरे। गत मंसिरको उपनिर्वाचनबाट भर्खरै सम्पन्न स्ववियु निर्वाचनसम्म आइपुग्दा माओवादी एक्लैले चुनाव जित्ने आधार बलियो बन्दै गएको र ‘कसैको बैशाखी नटेकी माओवादी चुनाव लड्नै सक्दैन’ भन्ने विरोधीहरूको भाष्य खारेज भएको बताए।

बिएल संवाददाता

बिएल संवाददाता - बारा

राजतन्त्रमा लादिएका निरंकुशता जनताले बिर्सिएका छैनन्ः ओली

प्रधानमन्त्री केपी शर्मा ओलीले संघीय लोकतान्त्रिक गणतन्त्रको स्थापनापछि निर्मित स्थानीय सरकारले वास्तवमै गाउँ गाउँमा सिंहदरबार पुर्‍याएको दाबी गरेका छन्। बिहीबार नेपाल नगरपालिका संघको ३२औं वार्षिकोत्सवलाई सम्बोधन गर्दै ओलीले नेपाली जनताको लामो संघर्ष र बलिदानस्वरुप मुलुकका राजतन्त्रको अन्त्यसँगै बलियो स्थानीय सरकार बनेकाले यसको विकल्प नभएको स्पष्ट पारे। उनले भने, ‘संविधान कार्यान्वयनका क्रममा प्रदेशको संरचनाबारे केही बहस भएका छन् तर स्थानीय सरकारबारे कुनै प्रश्न उठेको छैन। त्यसकारण स्थानीय सरकारको कुनै विकल्प छैन्। जनतालाई सेवा दिने नजिकको सरकार यही हो। स्थानीय तहका समस्या र मागलाई उचित नीति र कानुनको निर्माण गरेर क्रमशः समाधान गरिनेछ। यसमा तीनै तहका सरकारबीच आवश्यक सहकार्य र समन्वय हुनेछ।’

बिएल संवाददाता

बिएल संवाददाता - काठमाडौं

गिरिजाप्रसादलाई सम्झिदैं प्रचण्डले भने, ‘उहाँको भरोसा तोड्दिनँ, जीवनभरि लड्छु’

स्व. कोइरालाकै नेतृत्वमा दश वर्षसम्म सशस्त्र युद्ध गरेको नेकपा माओवादी संसदीय राजनीतिक बाटोमा आएको थियो। त्यो बेला स्व. कोइरालाले आफ्नो सारा राजनीतिक जिन्दगीलाई दाउँमा राखेर युद्ध लडिरहेको माओवादीलाई शान्तिपूर्ण राजनीतिमा ल्याएका थिए।

बिएल संवाददाता

बिएल संवाददाता - काठमाडौं

ओली सरकारको चर्को आलोचना गर्दै शेखरले भने- अहिलेको सरकारमा सुशासन पटक्कै छैन

गिरिजाप्रसाद र लोकतन्त्र अन्तरक्रिया कार्यक्रममा बोल्दै उनले केपी शर्मा ओली नेतृत्वको सरकारको चर्को आलोचना गरे। उनले भने, ‘कांग्रेस र एमालेको सरकार छ। तर सुशासन पटक्कै छैन। यो कुरा अब हामीले भन्ने कि नभन्ने मैले त पटक पटक भनिरहेको छु हामी सत्तापक्षका मान्छे हौं। तर, सरकारमा छैनौं। सरकारमा हुने मन्त्रीहर"ले एमालेसँग सहकार्य गर्नुहोस् हामीलाई कुनै आपत्ति छैन। तर सत्तापक्षमा छौं तर सरकारमा नहुनेको जिम्मेवारी सरकार, कांग्रेस र एमालेलाई खबरदारी गर्ने जिम्मेवारी छ।’ उनले देश जब अप्ठ्यारोमा पर्छ तब कांग्रेसकोले सफल नेतृत्व गरेको दाबी पनि गरे। तर, अब कांग्रेस कहिले एमाले त कहिले माओवादीको पक्षमा नलाग्ने बताए।

बिएल संवाददाता

बिएल संवाददाता - काठमाडौं

२५ करोडको मालिक सार्वजनिक गर्न रास्वपाको माग

राष्ट्रिय स्वतन्त्र पार्टी (रास्वपा)का सांसद मनिष झाले काठमाडौंको टोखाबाट समातिएको २५ करोड रुपैयाँको मालिक सार्वजनिक गर्न माग गरेका छन्। बिहीबार प्रतिनिधिसभाको बैठकमा बोल्दै उनले विगतमा ३५ किलो, ८० किलो परिणाममा सुन समातिए पनि त्यसको मालिक पत्ता नलागेको भन्दै अहिले पनि त्यस्तै हुने आशंका व्यक्त गरेका हुन्। उनले भने, ‘२५ करोड रुपैयाँ टोखामा समातियो। विगतमा पनि कहिले ३५ किलो, कहिले ८० किलो सुन समातियो भनेर सुन्यौं। ड्राइभरलाई, भरियालाई मात्रै थुनेर राखियो। कहिलेपनि त्यसको मालिक को हो भन्ने पत्ता लागेन। यसपाली पनि यो २५ करोडको मालिक पत्ता नलाग्ला र ट्रक ड्राइभरलाई थुनेर नै थामथुम पारिएला कि भन्ने डर छ। यसरी नै सधैं भरियामात्रै समातेर र कालाबजारीहरूलाई संरक्षित गरिराखेर सुशासन कसरी हुन्छ?’

बिएल संवाददाता

बिएल संवाददाता - काठमाडौं

अखिल (क्रान्तिकारी)को पक्षमा लहर देखियो: प्रचण्ड

नेकपा माओवादी केन्द्रका अध्यक्ष पुष्पकमल दाहाल (प्रचण्ड)ले स्वतन्त्र विद्यार्थी युनियन (स्ववियु) चुनावको परिणामले माओवादीको अभियानमा युवाहरूको साथ रहेको पुष्टि गरेको बताएका छन्। बिहीबार फेसबुकमा स्टाटस लेखेर स्ववियु चुनावको परिणाम उत्साहप्रद रहेको बताउँदै पार्टीसम्बद्ध अखिल क्रान्तिकारीको पक्षमा देखिएको लहर उत्साहप्रद रहेको बताएका हुन्। ‘कयौं क्याम्पसमा सत्ता गठबन्धन समर्थित विद्यार्थी संगठनलाई समेत पराजित गर्दै देशभर प्राप्त नतिजाले भ्रष्टाचार र बेथितिका विरुद्धको हाम्रो अभियानमा आजका सचेत एवं बौद्धिक युवा वर्ग साथमा रहेको थप पुष्टि भएको छ,’ उनले लेखेका छन्।

बिएल संवाददाता

बिएल संवाददाता - काठमाडौं

राजाको मात्रै होइन हाम्रो पक्षमा पनि असंख्य जनता छन्ः विप्लव

नेपाल कम्युनिष्ट पार्टीका महासचिव नेत्रविक्रम चन्द (विप्लव)ले अहिलेको सरकार समाजलाई रुपान्तरण गर्ने कुरामा असफल देखिएको बताएका छन्। राजनीतिक अन्तर्क्रियाको लागि बेलबारी पुगेका महासचिव (विप्लव)ले समाजवादी गणतन्त्र नेपालको जनताको अपेक्षा, माग र आवश्यक्ता भएको बताए। उनले भने, ‘अहिलेको व्यवस्था नै अधुरो छ। पहिलो संविधान बनाउँदा नै विवादहरू भयो। अहिलेको गणतन्त्र त हो तर जनताको गणतन्त्र बनाउने कामहरू भएको छैन। राजतन्त्रबाट गणतन्त्रमा आउनु त प्रगतिको कुरा हो। समाजवादी गणतन्त्र नेपालको जनताको अपेक्षा, माग र आवश्यक्ता पनि हो।’

बिएल संवाददाता

बिएल संवाददाता - काठमाडौं

देश बन्दैन भनेर गलत भाष्य फैलाउनु हुँदैनः प्रधानमन्त्री

उनले स्वदेशमै उत्पादन र उत्पादकत्व विस्तार गरी आन्तरिक रोजगारीको दिगो आधार तयार गर्ने उद्देश्यले सरकारले राष्ट्रिय श्रम तथा रोजगार सम्मेलन भर्खरै सम्पन्न गरेको जनाउँदै अहिले संसार ग्लोबल भिलेज बनेकाले व्यवसाय, रोजगारी र अध्ययनका लागि जतिसुकै विकसित र धनी देशका नागरिक पनि आफ्नो रुची अनुसार विदेश जाने शिलशिला विश्वव्यापी रहेको बताए। उनले भने, ‘देशका युवा बाहिरिए भन्ने कुरालाई पूरै नकारात्मक रुपमा बुझ्नु पनि हुँदैन। व्यक्तिगत तवरमा विदेश जानुलाई गौरवको विषय ठान्ने र सामाजिक रुपमा भने त्यसलाई नकारात्मक भाष्यमा बुझ्ने दोहोरो चरित्रका कारण नकारात्मक सन्देश गएको छ। हिजो जीवन निर्वाहका लागि सीमित विकल्प थिए, आज त्यो फराकिलो भएको छ। संसारको जुनसुकै कुनामा जान सक्ने छनोटको लाभ हाम्रा युवाहरूले पनि लिएका छन्। यसो भनेर हामी युवाहरूलाई स्वदेशमै उद्यमशीलता र रोजगारीको अवसर सिर्जना गर्ने कुरामा केही कामै नगरी बसेका छैनौं। यो देश बन्दैन, यहाँ केही बन्दैन भन्ने गलत भाष्य फैलाउनु हुँदैन।’

बिएल संवाददाता

बिएल संवाददाता - काठमाडौं