हाल देशमा पश्चिमी वायु तथा स्थानीय वायुको प्रभाव रहेको छ। साथै बंगालको खाडी र अरब सागरबाट आएको जलवाष्पयुक्त हावाको समेत आंशिक प्रभाव रहेको छ।
बिएल संवाददाता - काठमाडौँ
माओवादी उपाध्यक्ष तथा तत्कालीन सभामुख कृष्णबहादुर महराविरुद्ध जबरजस्ती करणी मुद्दा हालेकी रोशनी शाही मृत फेला परेकी छन्। भक्तपुरको सूर्यविनायक-२ वृहस्पतिमार्गमा डेरा गरी बस्दै आएकी शाही डेराभित्रै मृत फेला परेकी हुन्। श्रीमान डेरामा नभएका बेला उनले अत्यधिक औषधि सेवन गर्दा मृत्यु भएको हुनसक्ने प्रहरीले अनुमान गरेको छ। डेराबाहिर रहेका श्रीमान फर्किएपछि ढोका खोल्न खोज्दा नखुलेपछि प्रहरी र स्थानीय जनप्रतिनिधिको रोहवरमा ढोका फोडिएको थियो। त्यतिबेलासम्म रोशनीको सास रोकिइसकेको थियो। उनको शरीरमा कुनै चोटपटक नदेखिएको प्रहरीले जनाएको छ।
बिएल संवाददाता - भक्तपुर
गणतन्त्र दिवसका दिन जेठ १५ गते नै राष्ट्रिय प्रजातन्त्र पार्टीको आह्वानमा सबै राजावादी दल र संघसंगठनहरूले आन्दोलनको घोषणा गरेका छन्। ‘१५ गते ११ बजेदेखि २ बजेसम्म काठमाडौं पूरै एमालेको कब्जामा हुनुपर्छ। कसले कसरी कहाँबाट गर्ने हो, आन्दोलनको कुनै प्रोटोकल हुँदैन। जो जहाँबाट अघि बढे पनि हुन्छ…’ उनले भने। राजतन्त्र फर्कने कुनै आधार नभए पनि प्रतिगामी तत्वहरु सल्बलाउँदा एमालेहरुको मनोबल गिर्न नहुने उल्लेख गर्दै उनले लाज नमानीकन जनतालाई रैती हुन पाउँ भन्नेहरुले फैलाउने भ्रम चिर्न आग्रह गरे।
बिएल संवाददाता -
‘मैले धेरै पहिला पनि पटक पटक एप्पलका कार्यकारी टिम कुकलाई भनिसकेको छु कि अमेरिकामा सबैभन्दा धेरै बिक्ने आइफोन अमेरिकामै निर्माण हुनुपर्छ। मलाई विश्वास छ एप्पलले त्यसै गर्नेछ। त्यसको उत्पादन अमेरिकामै हुनेछ। भारत वा अरु कुनै देशमा होइन।’
बिएल संवाददाता - काठमाडौं
पृथ्वीराजमार्गअन्तर्गत तनहुँको व्यास नगरपालिका–३ र ४ जोड्ने मादी नदी पुलबाट गएराति जिप खस्दा तीन जनाको मृत्यु भएको छ। दमौलीबाट चापाघाटतर्फ जाँदै गरेको ग२च ५७६० नम्बरकोे जिप पुलको रेलिङ भत्काएर मादी नदीमा खसेको हो।
बिएल संवाददाता - तनहुँ
हाल देशमा पश्चिमी वायु तथा स्थानीय वायुको प्रभाव रहेको मौसम पूर्वानुमान महाशाखाले जनाएको छ। साथै बङ्गालको खाडी र अरब सागरबाट आएको जलवाष्पयुक्त हावाको समेत आंशिक प्रभाव रहेको छ। जसको प्रभावले कोशी र मधेस प्रदेशलगायत देशको पहाडी भूभागमा आंशिक देखि साधरणतया बदली रही बाँकी भूभागमा मौसम मुख्यतया सफादेखि आंशिक बदली रहेको छ। कर्णाली, लुम्बिनी, बागमती र कोशी प्रदेशका एक–दुई स्थानमा चट्याङसहित हल्का वर्षा भइरहेको छ।
बिएल संवाददाता - काठमाडौँ
गत बिहिबार सुर्खेतको गुर्भाकोट नगरपालिका-१० स्थित भेरी नदीमा बेपत्ता भएका प्रेमबहादुर रानाको शव भेटिएको छ। रानाको शव शनिबार दिउँसो स्थानीयवासी र सशस्त्र प्रहरीको टोलीले फेला पारेको सशस्त्रका प्रवक्ता डीएसपी शैलेन्द्र थापाले बताए। बिहीबार बेपत्ता भउको ठाउँबाट नजिकै रानाको शव भेटिएको थियो। ४४ वर्षीय रानाको खोजीका लागि सशस्त्र प्रहरी बल नेपाल नं. ६ महेश्वेरी बाहिनी मुख्यालय सुर्खेतबाट सशस्त्र प्रहरी सहायक निरीक्षक अमर बस्नेतको कमाण्डमा ४ जना गोताखोर र सुरक्षा बेस घुमखरेबाट सशस्त्र प्रहरी निरीक्षकको कमाण्डमा १३ जनाको टोली खटिएको थियो।
बिएल संवाददाता - काठमाडौं
सर्लाहीको बागमती नगरपालिका-१, पानी ट्याङकी चोकमा शनिबार टिपर र मोटरसाइकल एकआपसमा ठोक्किँदा एक जनाको मृत्यु भएको छ। मृत्यु हुनेमा मोटरसाइकल चालक मलंगवा नगरपालिका-१०, का २१ वर्षीय मोहमद कैफ मिकरानी रहेका प्रहरीले जानकारी दिएको छ। इलाका प्रहरी कार्यालय हरिवनका प्रहरी निरीक्षक किशोर तामाङका अनुसार बागमतीबाट हरिवनतर्फ बालुवा लोड गरेर आउँदै गरेको ना७ख ६३९१ नम्बरको टिपरले विपरीत दिशाबाट गइरहेको बा६६प ८४६० नम्बरको मोटरसाइकललाई ठक्कर दिँदा दुर्घटना भएको हो।
बिएल संवाददाता - सर्लाही
काठमाडौं उपत्यकाका व्यस्त सडकमा ट्राफिक प्रहरीको लुकिछिपी चेकजाँच अझै जारी छ। अझ स्पिड जाँचका नाममा कुदिरहेको सवारी अगाडी झाँडीबाट फुत्त बाघले झम्टिए झैं ट्राफिक प्रहरीले झम्टिँदा दुर्घटनासमेत हुने गरेको छ। ट्राफिक प्रहरीको लुकीछिपी चेकजाँचकै क्रममा ०८१ साउन ३१ गते भक्तपुरको गठ्ठाघरमा ट्रकले स्कुटरलाई ठक्कर दिँदा ओखलढुङ्गाका उत्तम कोइरालाको ज्यान गएको थियो। दुर्घटनापछि चर्को आलोचना खेपेको प्रहरीले फेरि सोही किसिमको चेकजाँच थालेको छ। विशेषगरी भक्तपुर क्षेत्र वरपर यस्तो अवैज्ञानिक एव अव्यवहारिक ट्राफिक जाँचका कारण सवारी दुर्घटनाको संख्या दिनानुदिन बढ्दो छ। यस्तै किसिमको स्पिड लेजर गनमार्फत चेकजाँच शनिबार काठमाडौंको ग्वार्को-बालकुमारी क्षेत्रमा देखिएको थियो । साँघुरो सडक, अस्तव्यस्त सवारी, अव्यवस्थित ट्राफिक व्यवस्थापन र सवारी चालकबीचको चेतना अभाव यसअघि पनि दुर्घटनाका मुख्य कारण मानिँदै आएका थिए। तर, पछिल्लो समय ट्राफिक प्रहरीको लुकिछिपी चेकजाँचले थप दुर्घटना निम्त्याएको छ।
बिएल संवाददाता - काठमाडौं
ललितपुरको ग्वार्कोमा निर्माण भइरहेको ओभरपासको कामले गति लिएको छ। जेठ मसान्तसम्म काम सक्नेगरी धमाधम काम भइरहेको निर्माण कम्पनीको दाबी छ। सुरु सम्झौताअनुसार ओभरपास निर्माण तोकिएको म्याद सकिएर एक वर्ष म्याद थप गरेर काम गर्दा पनि काम पूरा नभएकाले सडक विभागले निर्माण कम्पनीलाई गत पुसबाट जरिवाना तिराएर काम गराइरहेको छ। निर्माण कम्पनीले जेठभित्रै दुवैतर्फको र्याम्प अर्थात फ्लाइओभर र सडकलाई जोड्न बिचमा माटो भरेर निर्माण गरिएको संरचनामा कालोपत्रे सकिने र लगत्तै गाडी गुडाउने तयारी गरेको छ। ठेकेदार कम्पनी आरसी, समानान्तर र रिलिग्रे जेभीले फ्लाइओभरको कोटेश्वरतर्फको र्याम्पमा बिहीबारदेखि प्राइम कोट बिछ्याउन सुरु गरेको छ।
बिएल संवाददाता - काठमाडौं
शुक्रबार अपराह्न साढे चार बजेतिर ६१ वर्षीय मटकबहादुर बुढाथोकीले २८ वर्षीय बुहारी पवित्रा बुढाथोकीको हत्या गरेका हुन्। जिल्ला प्रहरी कार्यालय रामेछापका प्रहरी प्रवक्ता कौशल न्यौपानेका अनुसार बुढाथोकीले बुहारीको हत्यापछि प्रहरी चौकी खिम्तिमा आत्मासमर्पण गरेका छन्। उनका श्रीमानले गत साउनमा आत्महत्या गरेपछि पवित्रा मन्थली नगरपालिका-११ गेलुस्थित माइतमा बस्दै आएकी थिइन्। उनको ९ वर्षको छोरो भने हजुरबा मटकबहादुरसँग बस्दै आएका थिए तर पवित्राले छोरा आफूसँग राख्न पाउनुपर्ने बताउँदै आएकी थिइन्। मटकबहादुरले नाति आफूसँग राख्न पाउनुपर्ने माग राखेर जिल्ला अदालत रामेछापमा मुद्दा दायर गरेका थिए। जिल्ला अदालतले बच्चालाई आमासँग नै राख्न दिने गरी फैसला सुनाएको थियो।
बिएल संवाददाता - रामेछाप
पाल्पाको तिनाउ खोलाको ड्यामसाइडमा पौडी खेल्दे क्रममा बेपत्ता भारतीय नागरिकको शव फेला परेको छ। गत बिहीबार पाल्पाको तिनाउ गाउँपालिका–३ स्थित तिनाउखोलाको ड्यामसाईडमा पौडी खेल्ने क्रममा १८ वर्षिय सोयव अन्सारी डुबेर बेपत्ता भएका थिए। भारतको नौतुना घर भएका अन्सारी नेपाल भ्रमणको लागि आएको बताइएको छ। उनको शव नेपाली सेना र सशस्त्र प्रहरीको संयुक्त उद्दार टोलीले शनिबार दिउँसो फेला पारेको सशस्त्रका सहप्रवक्ता डीएसपी शैलेन्द्र थापाले बताए।
बिएल संवाददाता - काठमाडौं
शुक्रबार रातिदेखि नै अवरुद्ध दाउन्ने सडक पनि आंशिकरुपमा सञ्चालनमा आएको छ। अहिले एकतर्फीरुपमा गाडीहरू पास गराउने काम भइरहेको स्थानीय प्रहरीले जनाएको छ। मर्मत भइरहेको दाउन्नेको सडक शुक्रबार राति भासिएको थियो। केही दिनदेखि आंशिकरुपमा बन्द गरेरै मर्मत भइरहेको यो सडकखण्डका कारण पूर्वपश्चिम राजमार्गको यात्रा अनिश्चितजस्तै भएको छ।
बिएल संवाददाता - काठमाडौं
‘नेपालका सिमाना क्षेत्रमा भएका कतिपय मदरसा र मस्जिदहरूमा हामीले अवैध नोट छाप्ने र त्यसको कारोबार हुने गरेको पनि पायौं। मदरसा खोल्ने हो भने त्यसबाट शिक्षा दिनुपर्छ। यो होइन कि मदरसालाई होटलजस्तो बनाएर विदेशीलाई आश्रय दिएको पाइएको छ’ उनले भनेका छन् ‘सरकारले त्यस्ता गैरकानुनी संरचनाहरूलाई नष्ट गर्नेछ। जो निर्दोष छन् र जसले शिक्षा दिइरहेका छन्। ती चलिरहेका छन्। उनीहरू निर्भिक र निडर भएर चल्नसक्छन्। यो राजनीतिक वा अरु कारण कुनै प्रतिशोध होइन। सरकारले कानुनी व्यवस्था लागु गर्न खोजेको हो।’
बिएल संवाददाता - काठमाडौं
ईयू अमेरिकाको मुख्य आयात ब्यापार केन्द्र हो। ईयूका प्रतिनिधिसँग ब्यापार वार्ताले गति नलिएको र उनीहरूले चासो नदिएको भन्दै ट्रम्पले आगामी जुन १ देखि ईयूबाट अमेरिका पुग्ने सबै सामग्रीमा ५० प्रतिशत भन्सार कर लगाउने घोषणा गरेका हुन्। उनले अब कुनै पनि सम्झौताका लागि आफू तयार नभएको भन्दै सबै ढोकाहरू बन्द भएको घोषणा पनि गरेका छन्। ‘हामीले सम्झौता तय गरिसकेका छौं त्यो भनेको ५० प्रतिशत भन्सार कर नै हो’ उनले भनेका छन्।
बिएल संवाददाता - काठमाडौं
सो मुद्दामा गत माघ १३ मा रूपन्देही जिल्ला अदालतले लामिछानेलाई १ करोड धरौटीमा छोड्न आदेश दिएको थियो। तर उक्त आदेशविरुद्ध रुपन्देही सरकारी वकिलको कार्यालयले उच्च अदालतमा रिट दर्ता गरेपछि उच्चले उनलाई फेरि उनलाई थुनामा राख्न आदेश दिएकाे थियाे।
बिएल संवाददाता - काठमाडौं
नेपाल प्रज्ञा प्रतिष्ठानका पूर्वउपकुलपति जगमान गुरुङले पूर्वराजा ज्ञानेन्द्र शाहको कुण्डली हेरेर चाँडै राजतन्त्र फर्कने जस्ता हल्ला फिँजाएको उल्ल्लेख गर्दै उनले भने, ‘पूर्वराजाको कुण्डली मात्रै हेरेर हुँदैन। जनताको कुण्डली हेर्नुपर्छ। ज्योतिषीहरुले मेरो कुण्डली पनि हेरे हुन्छ। राजसिंहासनको कल्पना अब हुन्न। नेपाली जनताले फालिसकेको राजतन्त्र अब फर्कन्। राजतन्त्रविरुद्ध लडेका हामी यस देशमा छँदैछौँ, प्रतिगमनका त्यस्ता सपना नदेख्न म आग्रह गर्छु।’
बिएल संवाददाता - काठमाडौं
प्रेस काउन्सिल नेपालले विभिन्न ५ मातृभाषामा अनुवाद गरी पत्रकार आचारसंहिता सार्वजनिक गरेको छ। योसहित नेपाली मिडियामा विभिन्न ८ मातृभाषाका आचारसंहिता प्रयोगमा आएका छन्। शुक्रबार काउन्सिल अध्यक्ष बालकृष्ण बस्नेत, भाषा आयोगका अध्यक्ष डा. गोपाल ठाकुर र राष्ट्रिय समाचार समितिका अध्यक्ष धर्मेन्द्र झाले भोजपुरी, राई वान्तावा, तामाङ, डोट्याली, लिम्बु भाषामा अनुवादित पत्रकार आचारसंहिता सार्वजनिक गर्नुभयो। यसअघि काउन्सिलले थारु, मैथिली र नेपाल भाषामा अनुवादित आचारसंहिता सार्वजनिक गरिसकेको छ।
बिएल संवाददाता - काठमाडौँ
'संसदका महासचिवले किन मुख छोपे भनी प्रश्न गरिएको प्रति मेरो ध्यानाकर्षण भएको छ। नेपालको संविधानको धारा १६ को उपधारा (१) ले प्रत्येक व्यक्तिलाई सम्मानपूर्वक बाँच्न पाउने हक हुनेछ भन्ने व्यवस्था गरेको छ। त्यस्तै धारा २८ मा व्यक्तिको गोपनियताको हकको व्यवस्था गरेको छ', उनले लेखेका छन्, 'मुलुकी अपराध संहिता, २०७४ को दफा २९५ अनुसार कसैले कुनै व्यक्तिको अनुमति बिना फोटो खिच्ने कार्य फौजदारी कसूर हुन्छ। यस्तो कसूर गर्ने वा गराउने व्यक्तिलाई एक वर्षसम्म कैद वा दश हजार रुपैँयासम्म जरिवाना वा दुवै सजाय हुने कानूनी व्यवस्था रहेको छ। मेरो सम्मानपूर्वक बाँच्न पाउने अधिकारको संरक्षण र उल्लेखित कानूनी प्रवन्धको उल्लङ्घन गर्नेहरुलाई संवैधानिक तथा कानूनी प्रवन्धको जानकारी गराउने उद्देश्यले फोटो खिच्ने अनुमति प्रदान गर्न अस्वीकार गरेको व्यहोरा जानकारी गराउन चाहन्छु।'
बिएल संवाददाता - काठमाडाैं
१ .
२ .
३ .
४ .
५ .
