बिएल संवाददाता
अमेरिकामा अवैध रूपमा बसेको प्रमाणित भएका चिनियाँहरूलाई फिर्ता ल्याउन चीन तयार भएको छ।
चिनियाँ विदेश मन्त्रालयले अवैधानिक रुपमा अमेरिकामा बस्दै आएको पहिचान भएका आफ्ना नागरिकलाई फिर्ता ल्याउन तयार रहेको बताएको हो।
मन्त्रालयका प्रवक्ता माओ निङले बेइजिङमा सञ्चारकर्मीसँग कुरा गर्दै भने,
‘अमेरिका र अन्य देशका अध्यागमन र कानुन प्रवर्तन विभागहरूसँग सहकार्य गरिरहेका छौँ। प्रमाणीकरणपछि चिनियाँ नागरिकको रूपमा पुष्टि भएमा आफ्ना नागरिकहरूलाई फिर्ता लैजान चीन तयार छ।’
अमेरिकामा डोनाल्ड ट्रम्पले राष्ट्रपतिको कार्यभार सम्हालेको दिनबाटै अवैध आप्रवासन रोक्न कठोर नीति अपनाएका छन्। उनले अमेरिकामा अवैध बसिरहेका आफ्ना नागरिकहरू फिर्ता नलैजाने मुलुकहरूमाथि प्रतिबन्ध लगाउने चेतावनीसमेत दिएका छन्।
यसअघि भारतको विदेश मन्त्रालयले अमेरिकामा अवैध बसेको पुष्टि भएका आफ्ना नागरिकहरूलाई स्वदेश फिर्ता गर्न तयार रहेको बताइसकेको छ।
नेपाल सरकारले भने हालसम्म अमेरिकामा अवैध बस्दै आएका आफ्ना नागरिक फिर्ता ल्याउनेबारे केही निर्णय गरेको छैन। अमेरिकामा तीन हजार बढी नेपालीहरू अवैध बसोबास गरिरहेको अनुमान छ।
धन्न! यूएईको जेलबाट बाँचेर फर्किएँ...
‘सरकार! प्रहरीमा तिम्रो गैरसंवैधानिक खेल हुन्छ है फेल’
धार्मिक आस्थाको मञ्चमा राजनीतिक सन्देशः छठलाई नेताहरूले कसरी गरे उपयोग?
‘हेक्का रहोस्, श्रीमद्भागवत, महाभारत जस्ता ग्रन्थ प्रश्नकै जगमा आएका हुन्’
छठ पर्वको सन्देश–प्रकृति र वातावरण सबैको हो, यिनको रक्षा गरौं
करोडपति जयप्रकाशलाई रक्सीले ‘रोडपति’ बनायो…
सीमान्त साहित्यः कसको आवाज, कसको कलम?
१ .
२ .
३ .
४ .
५ .
प्रतिक्रिया