आइसिसी टी- २० विश्वकपअन्तर्गत सुपर-एटकाे पहिलाे खेलमा सह-आयाेजक अमेरिका दक्षिण अफ्रिकासँग पराजित भएकाे छ।

बुधबार राति खेलमा अमेरिका दक्षिण अफ्रिकासँग १८ रनले पराजित भएकाे हाे। दक्षिण अफ्रिकाले दिएकाे १९५ रनकाे लक्ष्य पछ्याएकाे अमेरिकाले निर्धारित २० ओभरमा ६ विकेट गुमाएर मात्रै १७६ रन बनाउन सक्याे।

त्यसक्रममा एनड्रिज गाैसले ८०, हर्मिट सिंहले ३८ र स्टिभन टेलरले २४ रन बनाएका थिए।

अमेरिकालाई पराजित गर्न दक्षिण अफ्रिकाका कागिसाे रवडाले ३ विकेट लिए।

त्यसअघि टस हारेर पहिले ब्याटिङ गरेका दक्षिण अफ्रिकाले निर्धारित २० ओभरमा ४ विकेट गुमाउँदै १९४ रन बनाएका थियाे।

त्यसक्रममा क्विन्टन डि कक्ले ७४, कप्तान एइडन मार्कमले ४६ र हेइन्रिच क्लासेनले ३६ रन प्रहार गरेका थिए।

दक्षिण अफ्रिकाकाे याे लगातार पाँचाैं जित हाे। उसले समूह चरणका सबै खेल जितेकाे थियाे।