सङ्घीय संसद्का दुवै सदनको संयुक्त बैठकमा आज अपराह्न प्रस्तुत हुने आर्थिक वर्ष २०८२/०८३ को राजस्व र व्ययको अनुमान (बजेट) अनुमोदन गर्न मध्याह्न मन्त्रिपरिषद् बैठक बस्दैछ। सङ्घीय संसद्मा अपराह्न ३ः०० बजे उपप्रधानमन्त्री एवं अर्थमन्त्री विष्णुुप्रसाद पौडेलले बजेट प्रस्तुत गर्ने कार्यसूची छ।
बिएल संवाददाता - काठमाडाैं
_LRwb7SlkNb.jpg)
काठमाडाैंकाे भृकुटीमण्डप तथा रत्नपार्क क्षेत्रमा बिहानैदेखि सुरक्षा व्यवस्था कडाइ गरिएको छ। नेकपा एमालेको कार्यक्रम र राजावादीको प्रदर्शनलाई लक्षित गरेर सुरक्षा व्यवस्था कडाइ गरिएकाे हेा। भृकुटीमण्डपमा एमालेले बिहान ११ बजे कार्यक्रम राखेको छ भने राप्रपा, राप्रपा नेपाल लगायत ४५ वटा हिन्दुवादी र राजावादी संघ–संगठनले दिउँसो २ बजेपछि रत्नपार्कको शान्तिबाटिकाबाट आन्दोलन सुरु गर्ने तयारी गरेका छन्।
बिएल संवाददाता - काठमाडाैं
त्यसलगत्तै अब अमेरिकी प्रशासनले विदेशी विद्यार्थीहरूको भिसासँगै उनीहरूको पृष्ठभूमिको चेकजाँच सुरु गरेको छ। यो अभियानमा खासगरी चिनियाँ नागरिकको भिसा र उनीहरूको पृष्ठभूमि चेकजाँचलाई कडा बनाइएको छ। विदेशमन्त्री मार्को रुबियोले खासगरी चिनियाँ विद्यार्थीहरूमाथि छानबिन सुरु भएको बताएका छन्। उनका अनुसार त्यस्ता विद्यार्थीहरू चिनियाँ कम्युनिस्ट पार्टीमा आवद्ध छन् वा छैनन्, उनीहरू त्यसमा कति सक्रिय छन् भनेर छानिबिन हुनेछ। त्योसँगै अमेरिकामा रहेका हङकङका विद्यार्थीहरूबारेमा पनि छानबिन हुनेछ।
बिएल संवाददाता - काठमाडाैँ
‘विशेष सरकारी कर्मचारीका रुपमा मेरा लागि तय भएको समय अब पूरा भएको छ। म राष्ट्रपति डोनाल्ड ट्रम्पलाई धन्यवाद दिन चाहन्छु किनकी उनले मलाई देशको फजुल खर्च कम गर्ने महत्वपूर्ण जिम्मेवारी दिएका थिए’ उनले सामाजिक सञ्जालमा लेखेका छन् ‘डिओजीई एक मिसन हो। समयसँगै यो अझै मजवुत र प्रभावकारी हुँदै जानेछ र सरकार सञ्चालनमा यसको आदत पनि बस्दै जानेछ।’
बिएल संवाददाता - काठमाडाैँ
सङ्घीय संसद्का दुवै सदनको संयुक्त बैठकमा आज उपप्रधानमन्त्री तथा अर्थमन्त्री विष्णुप्रसाद पौडेलले आर्थिक वर्ष २०८१/०८२ को राजस्व र व्ययको वार्षिक अनुमान (बजेट)पेस गर्ने कार्यसूची छ।
बिएल संवाददाता - काठमाडौँ
तत्कालीन सात राजनीतिक दलले निरङ्कुश राजतन्त्रकाविरुद्ध आह्वान गरेको शान्तिपूर्ण जनआन्दोलन र विद्रोही नेपाल कम्युनिस्ट पार्टी (माओवादी)ले गरेको सशस्त्र सङ्घर्षका उपलब्धिका रूपमा देशले गणतन्त्रको अभ्यास गरेको १८ वर्ष भएको छ।
बिएल संवाददाता - काठमाडौँ
जेठ १५ गते गणतन्त्र दिवसका दिन सरकारमा रहेको एमाले र व्यवस्था विरोधी राजावादी समूहको छुट्टाछुट्टै प्रदर्शन हुँदैछ। दुवै समूहले भोलिको कार्यक्रम रत्नपार्क केन्द्रीत गर्दैछन्। जसका लागि राजावादी समूहलाई दिउँसो साढे २ बजेपछि मात्रै रत्नपार्क प्रवेश अनुमति दिइने भएको छ। त्यसअघि एमालेले कार्यक्रम सकिसक्नु पर्नेछ। जिल्ला प्रहरी परिसर काठमाडौंका प्रमुख एसएसपी विश्व अधिकारीका अनुसार। काठमाडौंमा प्रमुख जिल्ला अधिकारी ऋषिराम तिवारीको अध्यक्षतामा बसेको जिल्ला सुरक्षा समितिको बैठकले त्यस्तो निर्णय गरेको हो। सरकारले सैनिक मञ्च, टुँडिखेलमा गणतन्त्र दिवस कार्यक्रम १२ बजेभित्र सकिसक्ने गरी तालिका बनाइएको छ। त्यसपछि एमालेले भृकुटीमण्डपमा गणतन्त्रको उत्सव मनाउने छ।
बिएल संवाददाता - काठमाडौं
नेपाली कांग्रेसका नेता मोहम्मद अफताव आलमलाई राजपुर हत्याकाण्डमा उच्च अदालत वीरगन्जले सफाइ दिएको छ। बुधबार न्यायाधीशद्वय खुसीप्रसाद थारु र अर्जुन महर्जनको इजलासले यसअघि रौतहट जिल्ला अदालतको जन्मकैदको फैसला उल्ट्याउँदै सफाइ दिएको हो। उनीमाथि रौतहटको राजपुरमा भएको बमकाण्डमा घाइते भएकाहरूलाई जिउँदै इँट्टा भट्टामा हालेर हत्या गरेको आरोप लागेको थियो। हाल केन्द्रीय कारागार नख्खुमा थुनामा रहेका आलमलाई आजै थुनामुक्त गर्ने तयारी गरिएको छ।
बिएल संवाददाता - काठमाडौं
गणतन्त्र दिवसको अवसरमा आयोजना गर्न लागेको कार्यक्रममा एमालेले ९५० जना स्वयंसेवक खटाएको छ। पार्टी कार्यालयमा बुधबार विभिन्न जनवर्गीय संगठनहरूबाट छानिएका स्वयंसेवकहरूलाई प्रशिक्षणसमेत दिएको छ। स्वयंसेवकहरूलाई कार्यक्रमबारे विस्तृतमा जानकारी र खटिने क्षेत्रबारे प्रशिक्षण दिएको हो। बालुवाटार स्रोतका अनुसार राजावादीहरूसँग मुडभेड नहोस् भनेर कार्यक्रमको सुरक्षार्थ र व्यवस्थापनका लागि ठूलो संख्यामा स्वयंसेवक खटाउन लागिएको हो। केही दिनअघि प्रधानमन्त्री एवं एमाले अध्यक्ष केपी शर्मा ओलीले जेठ १५ गते काठमाडौैं कब्जा गर्न कार्यकर्ताहरूलाई निर्देशन दिएका थिए।
बिएल संवाददाता - काठमाडौं
भिजिट भिसा प्रकरणमा मुछिएका गृहमन्त्री रमेश लेखकले पदबाट राजीनामा नदिने स्पष्ट पारेका छन्। संसद भवन परिसरमै पत्रकार सम्मेलन गर्दै उनले आफूमाथि राजनीतिक पूर्वाग्रह राखेर राजीनामा मागिएको दाबी गर्दै कर्मचारीमाथि अनुसन्धान हुँदा राजनीतिक नेतृत्वलाई जोड्दै जाने हो भने व्यवस्था चल्न नसक्ने बताए। उनले आफूमाथि अन्याय भएको दाबी गर्दै न्याय पाउनुपर्ने बताए। उनले आफूविरुद्ध कुनै उजुरी र छानबिन नभएको स्पष्ट पारे।
बिएल संवाददाता - काठमाडौं
राष्ट्रपति रामचन्द्र पौडेलसँग न्यूजिल्याण्डका उपप्रधान तथा परराष्ट्रमन्त्री विन्स्टन पिटर्सले राष्ट्रपति भवन शीतल निवासमा बुधबार शिष्टाचार भेट गरेका छन्। सो अवसरमा राष्ट्रपति पौडेलले उपप्रधानमन्त्री पिटर्सलाई नेपाल सन् २०३० सम्ममा मध्यम आय भएको मुलुक बन्नेतर्फ अग्रसर भएकाले यो लक्ष्य हासिल गर्न व्यापार, लगानी र विकास सहकार्यका लागि आग्रह गरेको उनका प्रेस सल्लाहकार किरण पोखरेलले बताएका छन्। नेपाल र न्यूजिल्याण्ड विभिन्न अन्तर्राष्ट्रिय विषयहरूमा साझा धारणासहित बहुपक्षीय मञ्चहरूमा सहकार्य गर्दै आएको स्मरण गर्दै उनले स्तरोन्नति तर्फकोे यात्रालाई दीगो बनाउन व्यापार, लगानी र विकास सहकार्यका सन्दर्भमा न्यूजिल्याण्डबाट सहयोगको अपेक्षा गरेको बताए।
बिएल संवाददाता - काठमाडौं
प्रतिनिधिसभाको आजका लागि तय भएको बैठक सूचना टाँस गरेर बिहीबार दिउँसो १ बजेसम्मका लागि स्थगित भएको छ। विपक्षी दलले भिजिट भिसा प्रकरणमा मुछिएका गृहमन्त्री रमेश लेखकको राजीनामा नआएसम्म बैठक चल्न नदिने बताउँदै बैठक अवरुद्ध गर्दै आएका छन्। भोलि जेठ १५ गते संसदमा बजेट प्रस्तुत गर्नुपर्ने संवैधानिक बाध्यता रहेकाले सरकारले भोलिको संसदमा बजेट प्रस्तुत गर्दैछ।
बिएल संवाददाता - काठमाडौं
राष्ट्रिय स्वतन्त्र पार्टी (रास्वपा)ले भिजिट भिसा प्रकरणमा प्रमाण जुटाउन थालेको छ। रास्वपा सांसदहरू शिशिर खनाल र सोबिता गौतमले घुस खुवाएर भिजिट भिसामा जानुपरेको भए प्रमाण पठाउन सार्वजनिक अपिल गरेका छन्। सांसद गौतमले अब ‘अन्याय सहेर बस्ने नभइ, बोल्ने र बदल्ने समय आएको’ बताउँदै भ्रष्टाचारविरुद्धको अभियानमा एकजुट हुन अपिल गरेकी छन्। सोबिताले भनेकी छन्, ‘भिजिट भिसामा विदेश जानुभएका नेपाली दाजुभाइ दिदीबहिनीहरूलाई अनुरोध छ, विदेश जानुअघि वा पछि तपाईंलाई कसले, कुन माध्यमबाट, कुन खातामा कति घुस तिर्न बाध्य बनायो ? यदि तपाईंसँग प्रमाण छ भने, कृपया मलाई sobitarsp@gmail.com मा पठाइदिनुहोस्।’
बिएल संवाददाता - काठमाडौं
सरकारले राष्ट्रिय प्रजातन्त्र पार्टी (राप्रपा)का तीन जना सांसदहरूलाई उपलब्ध गराउँदै आएको ‘पर्सनल सेक्युरिटी अफिसर’ (पीएसओ) एकैपटक फिर्ता एकैपटक फिर्ता गरेको छ। राप्रपा प्रमुख सचेतक ज्ञानेन्द्र शाही, सांसदहरू ध्रुवबहादुर प्रधान र दीपक सिंहको पीएसओ फिर्ता भएका हुन्। प्रमुख सचेतक शाहीले संसद भवन परिसरमा सञ्चारकर्मीहरूसँग कुराकानी गर्दै राप्रपा नेताहरूको पीएसओ फिर्ता भएको जानकारी गराए। उनले सरकारले पीएसओ फिर्ता गरेको बारे आफूहरूलाई जानकारी नभएको पनि बताए। सांसद शाहीले यसलाई सामान्य रुपमा लिएको बताउँदै सरकारलाई ‘अति गरे खति हुने’ चेतावनी दिए।
बिएल संवाददाता - काठमाडौं
भिजिट भिसा प्रकरणमा मुछिएका गृहमन्त्री रमेश लेखकको राजीनामा माग्दै विपक्षी दलले आज पनि प्रतिनिधि सभाको बैठकमा अवरोध गरेका छन्। संसदमा अवरोध जारी रहेपछि सभामुख देवराज घिमिरेले आधा घण्टाका लागि सभा स्थगित गरेका छन्। बैठक सुरू हुनेवित्तिकै विपक्षी दलका नेताहरू उठेर विरोध जनाएका थिए। सभामुख देवराज घिमिरेले दलीय आधारमा बोल्न समय दिन आफू तयार रहेको बताउँदै सभा सञ्चालन गर्न खोजेका थिए।
बिएल संवाददाता - काठमाडौं
प्रधानमन्त्री केपी शर्मा ओलीले प्रमुख प्रतिपक्षी दल नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’लाई फोन गरेका छन्। ओलीले प्रचण्डलाई फोन गरेर सदनको अवरोध हटाउन सहयोग गर्न आग्रह गरेका माओवादी सांसद माधव सापकोटाले बताए। प्रचण्डले विपक्षी दलहरूको अडान सुनाउँदै आफू विपक्षीहरूको अडानमा प्रतिवद्ध रहेको जवाफ फर्काएका उनले बताए। प्रचण्डले पहिले गृहमन्त्रीको राजीनामा गराएर अनि आफैंले सदनमा जवाफ दिन ओलीलाई सुझाव दिएका छन्। बालुवाटारमा कांग्रेस सभापति देउवा र गृहमन्त्री रमेश लेखकसँग छलफलका क्रममा ओलीले रास्वपाको अवरोध उसको सभापतिका कारण स्वाभाविक भएपनि प्रचण्डको पछिल्लो गतिविधिहरूबारे असन्तुष्टि जनाएका थिए। बालुवाटार स्रोतका अनुसार उनले प्रचण्डले धुमिल अवस्थामा चान्स मार्न खोजेको आरोप लगाएका थिए।
बिएल संवाददाता - काठमाडौं
नेपाली कांग्रेस सभापति शेरबहादुर देउवा भिजिट भिसा प्रकरणमा मुछिएका गृहमन्त्री रमेश लेखकलाई साथ लिएर प्रधानमन्त्री केपी शर्मा ओलीलाई भेट्न बालुवाटार पुगे। बुधबार बिहान प्रधानमन्त्रीको सरकारी निवास बालुवाटार भएको भेटवार्तामा संसदको अवरोध खुलाउने विषयमा छलफल भएको बालुवाटार स्रोतले बताएको छ। भिजिट भिसा प्रकरणमा मुछिएका गृहमन्त्रीले राजीनामा नदिएसम्म संसद चल्न नदिने विपक्षीहरूको अडानले संसद अवरुद्ध छ। भोलि जेठ १५ गते संघीय संसदमा बजेट अनिवार्य पेस गर्नुपर्ने संवैधानिक बाध्यता छ। सोही कारण संसदको अवरोध खुलाउने विषयमा छलफल केन्द्रीत भएको बताइएको छ। बालुवाटार स्रोतका अनुसार गृहमन्त्रीले राजीनामा दिएर बाधा फुकाउन गर्ने सम्भावनाबारे पनि छलफल भएको छ।
बिएल संवाददाता - काठमाडौं
नेपाली कांग्रेसका सभापति शेरबहादुर देउवा गृहमन्त्री रमेश लेखकलाई साथ लिएर प्रधानमन्त्री केपी शर्मा ओलीलाई भेट्न पुगेका छन्। बुधबार बिहान ओली भेट्न देउवा गृहमन्त्रीलाई लिएर प्रधानमन्त्रीको सरकारी निवास बालुवाटार पुगेका हुन्। भिजिट भिसा प्रकरणमा मुछिएका गृहमन्त्रीले राजीनामा नदिएसम्म संसद चल्न नदिने विपक्षीहरूको अडानले संसद अवरुद्ध छ। भोलि जेठ १५ गते संघीय संसदमा बजेट पेस गर्नुपर्ने संवैधानिक बाध्यता छ। सोही कारण संसदको अवरोध खुलाउने विषयमा छलफल केन्द्रीत भएको बताइएको छ। बालुवाटार स्रोतका अनुसार गृहमन्त्रीले राजीनामा दिएर बाधा फुकाउन गर्ने सम्भावनाबारे पनि छलफल भएको छ।
बिएल संवाददाता - काठमाडौं
अब कुनै पनि दूतावासहरूले विद्यार्थीका लागि नयाँ भिसा आवेदन लिने छैनन्। पहिला नै भिसा एप्लाइ गरेका विद्यार्थीहरूको सामाजिक सञ्जालमाथि ब्यापक छानबिन भइरहेको पनि ट्रम्प प्रशासनले जनाएको छ। यसका कारण पहिला नै आवेदन दिइसकेकाहरूको पनि भिसा अनिश्चित हुनेछ। अहिलेका लागि भिसा आवेदन दिइसकेकाहरूको अन्तर्वार्ता पनि रोकिनेछ।
बिएल संवाददाता - काठमाडौं
राप्रपा नेपालका अध्यक्ष कमल थापाले पूर्वराजा ज्ञानेन्द्रका शाहका नाति हृदयन्द्र शाहलाई राजा बनाउन सकिने अभिव्यक्ति दिएका छन्। जेठ १५ गतेदेखिको प्रदर्शनका बारेमा मंगलबार सम्पादकहरूसँगको छलफलमा उनले यदि राष्ट्रिय सहमति भएमा पूर्वराजा ज्ञानेन्द्र शाहकै समर्थनमा हृदयन्द्र शाहलाई राजा बनाउन सकिने बताएका हुन्। उनले हृदयन्द्र शाहलाई राजा बनाउन राष्ट्रिय सहमति भए राजा ज्ञानेन्द्र पनि सहमतिमा आउनुपर्ने टिप्पणी गरे। ‘सबैको राष्ट्रिय सहमति हुन्छ भने मलाई लाग्छ राजा ज्ञानेन्द्र पनि सहमतिमा आउनुपर्छ। त्यो आफ्नै ठाउँमा छ। तर, अहिले हामीले पात्रको कुरा गरेको छैनौं,’ उनले भने, ‘हामीले अवलम्बन गरेको राजसंस्था व्यक्ति होइन आफैंमा विचार हो।’
बिएल संवाददाता - काठमाडौं
१ .
२ .
३ .
४ .
५ .
