जर्मनीको बुन्डेसलिगामा बायर्न म्युनिख अगसबर्गसँग बराबरीमा रोकिएको छ ।
आइतबार बिहान सम्पन्न खेलमा बायर्न अगसबर्गसँग २–२ गोलको बराबरीमा रोकिएको हो ।बायर्नका लागि रोबेर्ट लेवानडोसकी र सेर्गी गनाब्रीले एक एक गोल गरेका थिए । यता अगसबर्गका लागि मारको रिचटर र अल्फ्रेओ फिनबोगासनले एक एक गोल गरे ।
अगसबर्गका लागि खेलको पहिलो मिनेटमै रिचटरले गोल गर्दैं १–० को अग्रता बनाएका थिए । तर, उक्त अग्रता बायर्नले खेलको १४ औं मिनेटमा तोडियो । बायर्नका लागि लेवानडोसकीले गोल गरे । पहिलो हाफ १–१ को बराबरीमा सकिएको खेलमा दोस्रो हाफमा थप दुई गोल भयो ।
खेलको ४९ औं मिनेटमा बार्यनका लागि गनाब्रीलेले गोल गर्दै अग्रता १–२ बनाए । तर खेलको अन्तिम मिनेटमा फिनबोगासनले गोल गर्दै खेल २–२ को बराबरीमा सक्काए ।
बराबरीपछि बायर्न अंक तालिकामा तेस्रो स्थानमा पुगेको छ । बायर्नको ८ खेलमा १५ अंक भएको छ । लिगको शिर्ष स्थानमा मोन्चेन ग्लाडवाच रहेको छ भने वोल्सबर्ग दोस्रो स्थानमा रहेको छ । दुवैको ८–८ खेलमा १६–१६ अंक रहेको छ
