लिग वानमा पेरिस सेन्ट जर्मेन पीएसजीले ९ खेलाडीमा सिमित नाईसमाथि फराकिलो जित हात पारेको छ ।
शुक्रबार बिहान भएको खेलमा पीएसजीले नाईसमाथि ४–१ गोल अन्तरको फराकिलो जित हात पारेको हो ।
पीएसजीको जितमा एन्जल डी मारियाले दुई, केलियन एम्बाप्पेले र इकार्डीले समान एक एक गोल गरे । नाईसको गनागोले एक गोल गरे ।
खेलमा अग्रता पीएसजीले १५ औ मिनेटमा डी मारियोको गोलबाट लिएको थियो । २१ औ मिनेटमा उनैले पीएसजीको अग्रता दोब्बर पारेका थिए ।
६७ औ मिनेटमा गंनागोले गोल गर्दै घरेलु टोली नाईसलाई खेलमा फर्काउने कोशिश गरे ।७४ औ मिनेटमा विलेन साईप्रिन र ७७ औ मिनेटमा क्रिस्टोफ हेर रातो कार्ड खादै मैदान बाहिरिए ।
८८ औ मिनेटमा एम्बाप्पेले पीएसजीलाई ३–१ ले अघि बढाए ।त्यसपछि दोस्रो हाफको ईन्जुरी समयमा गोल गर्दै पीएसजीले ४–१ को प्रभावशाली जित निकाल्न सफल रह्यो ।
पीएसजी १० खेलबाट २४ अंक सहित तालिकाको शीर्ष स्थानमा छ । नाईस १३ अंक सहित नवौ स्थानमा यथावत छ ।
