ओमानका लागि नेपाली राजदूत सर्मिला पराजुली ढकालले तेल तथा ग्यास मन्त्रालयका सचिव सलिम नासेर अल् औफीसँग द्धिपक्षीय भेट गरेकी छिन् ।
नेपाली दूतावास,मस्कटकाअनुसार सौहाद्र्धपूर्ण तथा मैत्रीपूर्ण वातावरणमा आपसी व्यापार तथा लगानीको विषयमा कुराकानी भएको छ । राजदूत ढकालले नेपालको पछिल्लो अवस्थाको जानकारी गराउँदै हाल नेपालमा लगानीको वातावरण सिर्जना भएको जानकारी गराएकी थिइन् ।
छलफलमा सचिव औफीले व्यापार तथा लगानीको क्षेत्रमा सहकार्यको लागि ओमानको प्रतिवद्धताबारे आश्वस्त पारेका थिए ।उक्त बैठकमा ओमानको तेल तथा ग्यास मन्त्रालयका बरिष्ठ पदाधिकारीहरुको समेत उपस्थिति रहेको थियो ।
