युरो कप छनोट २०२० मा नेदरल्याण्डसँग नर्दन आयरल्याण्ड पराजित भएको छ ।
बिहिबार भएको खेलमा नेदरल्याण्डले नर्दन आयरल्याण्डलाई ३–१ ले पराजित गरेको छ । नेदरल्याण्डका लागि मेम्फिस डीपेले दुई गोल तथा डी जोङले एक गोल गरे । यता आयरल्याण्डका लागि एक मात्रै गोल जोस मगिनिसले गरे ।
खेलको पहिलो हाफ गोल रहित बराबरी खेलेको नर्दन आयरल्याण्डले ७५ औ मिनेटमा जोस मगिनिसको गोलबाट अग्रता बनाएको थियो ।
तर मेम्फिस डीपेले ८० औं मिनेटमा गोल गर्दै डच टोलीलाई बराबरीमा ल्याएका थिए । यस्तै डी जोङले ईन्जुरी समयमा डच टोलीलाई २–० को अग्रता दिलाए ।त्यसको दुई मिनेटपछि डीपेले ब्यक्तिगत दोस्रो गोल गर्दै नेदरल्याण्डको जित ३–० गोलले सुनिश्चित गरेका थिए ।
जितपछि नेदरल्याण्ड ५ खेलबाट १२ अंक जोड्दै तालिकाको शीर्ष स्थानमा उक्लियो ।जर्मनी समेत समान १२ अंक सहित दोस्रो स्थानमा छ । एक खेल बढी खेलेको नर्दन आयरल्याण्ड १२ अंक सहित तेस्रो स्थानमा रह्यो ।हारसँगै युरो कपमा छनोट हुने नर्दन आयरल्याण्डको कम्जोर बनेको छ ।
