पर्यटकीय गाउँ भुजुङलाई आकर्षक पर्यटन गन्तव्यका रुपमा विकास गरिने भएको छ। पर्यटन प्रवद्र्धन गर्ने उद्देश्यले असोज १३ गते सुरु भएको महोत्सवमा यस्तो जानकारी दिइएको थियो ।
महोत्सवका संयोजक तुलबहादुर गुरुङले भुजुङ संसारकै सुन्दर गन्तव्य भएको बताए । तीन दिनसम्म चलेको महोत्सव १५ गते समापन गरिएको थियो ।
गण्डकी प्रदेशका मुख्य मन्त्री पृथ्वीसुब्बा गुरुङले उद्घाटन गरेको महोत्सवमा लोकसंस्कृति, लोकल परिकार र पर्यटकीय सम्पदाको प्रदर्शन र प्रस्तुति गरिएको थियो । कार्यक्रममा स्थानीय लालीगुराँस युवा क्लब र राष्ट्रियस्तरका कलाकारले प्रस्तुति दिएका थिए ।
क्होंलासोथर गाउँपालिका वडा नं ४ को एउटै वडामा झुरुप्प बसेको भुजुङ सुन्दर गुरुङ बस्ती हो । त्यहाँ होमस्टे र होटल गरि २२ वटा छन् । लमजुङको सदरमुकाम बेशिसहरबाट ३२ किमिमा भुजुङ पुगिन्छ ।
