काठमाडौं । विगतका वर्षहरुमा दसैंको समयमा सुन व्यापार उत्साहजनक हुने गरेकोमा यस वर्ष भन बजार सुनसान भएको व्यवसायीले बताएका छन् । सुनको मूल्य नघटेकाले कारोबार एकदमै न्यून रहेको नेपाल सुनचाँदी व्यवसायी महासंघको भनाइ छ । 

मूल्य नघटेपछि सुन किन्ने ग्राहक पनि घटेको व्यवसायीहरुको भनाइ छ । बाह्रखरीसँग कुरा गर्दै सुनचाँदी व्यवसायी महासंघका अध्यक्ष मोहनकुमार सुनारले सुन कारोबार गत वर्षको दसैंको तुलनामा यो वर्ष ७५ प्रतिशत कम भएको बताए ।